ଟୋକିଓ : ସ୍ୱର୍ଣ୍ଣ ଏବଂ ରୌପ୍ୟରୁ ସିନା ବଞ୍ଚିତ ହେଲେ କିନ୍ତୁ ବ୍ରୋଞ୍ଜ ପଦକ ଜିତି ଦେଶ ପାଇଁ ଗୌରବ ଆଣିଲେ ମହିଳା ବ୍ୟାଡମିଣ୍ଟନ ଖେଳାଳି ପି.ଭି. ସିନ୍ଧୁ । ଟୋକିଓ ଅଲିମ୍ପିକ୍ସ ସେମିଫାଇନଲ୍ରେ ହାରିବା ପରେ ଆଜି ବ୍ରୋଞ୍ଜ ମେଡାଲ ମ୍ୟାଚ୍ରେ ଏହି ଭାରତୀୟ ଖେଳାଳି ଚୀନ୍ର ବିଙ୍ଗ ଜିଆଓଙ୍କୁ ହରାଇଛନ୍ତି । ସେ ପ୍ରଥମ ଭାରତୀୟ ମହିଳା ଭାବେ ସିନ୍ଧୁ ଦୁଇଟି ଅଲିମ୍ପିକ୍ସରେ ବ୍ୟକ୍ତିଗତ ବର୍ଗରେ ଦୁଇଟି ଅଲିମ୍ପିକ୍ ପଦକ ଜିତି ପାରିଛନ୍ତି ।
ଆଜିର ମ୍ୟାଚ୍ରେ ସିନ୍ଧୁ ଜିଆଓଙ୍କୁ ସିଧାସଳଖ ଦୁଇଟି ସେଟ୍ ୨୧-୧୩, ୨୧-୧୫ରେ ପରାସ୍ତ କରିଛନ୍ତି ।ଶନିବାର ଦିନ ସେମିଫାଇନାଲ୍ରେ ସେ ଚାଇନିଜ ତାଇପେର ତାଇ ଜୁ’ଙ୍କ ଠାରୁ ୧୮-୨୧, ୧୨-୨୧ ସେଟ୍ରେ ହାରି ଯାଇଥିଲେ ।
ପୂର୍ବରୁ ପୁରୁଷ ବର୍ଗରେ ପ୍ରଥମ ଭାରତୀୟ ଭାବେ କୁସ୍ତି ଯୋଦ୍ଧା ସୁଶୀଲ କୁମାର ଦୁଇଟି ଅଲିମ୍ପିକ୍ରେ ଦୁଇଟି ପଦକ ଜିତିବାର ଗୌରବ ଅର୍ଜନ କରିଛନ୍ତି ।
