ନୂଆଦିଲ୍ଳୀ: ଦକ୍ଷିଣ ଆଫ୍ରିକାର ଡର୍ବନ ସହର ଏବଂ ପୂର୍ବ କ୍ୱାଜୁଲୁ-ନେଟଲ ଅଞ୍ଚଳରେ ପ୍ରବଳ ବର୍ଷା ଯୋଗୁ ବନ୍ୟା ପରିସ୍ଥିତି ସୃଷ୍ଟି ହୋଇଛି । ଏଥିରେ ଜନଜୀବନ ଅସ୍ତବ୍ୟସ୍ତ ହୋଇ ପଡ଼ିଥିବା ବେଳେ ୩୪୦ରୁ ଅଧିକ ଲୋକଙ୍କ ମୃତ୍ୟୁ ଘଟିଛି । ଆହୁରି ମଧ୍ୟ ପୂର୍ବାନୁମାନ କରାଯାଇଛି ଯେ ଆଗାମୀ ଦିନରେ ଝଡ଼ ତୋଫାନ ସାଙ୍ଗକୁ ବର୍ଷା ଲାଗି ରହିପାରେ ପ୍ରବଳ ବର୍ଷା କାରଣରୁ ଅନେକ ସ୍ଥାନରେ ଘରଗୁଡ଼ିକ ଦବି ଯାଇଛି । କୋଠା କ୍ଷତିଗ୍ରସ୍ତ ହୋଇଛି କିଛି ରାସ୍ତା ମଧ୍ୟ ବନ୍ୟା ପାଣିରେ ଧୋଇ ହୋଇ ଯାଇଛି କହିବା ହେଲା, ଆଗାମୀ ଦିନରେ ମୃତକଙ୍କ ସଂଖ୍ୟା ଆହୁରି ବିବାର ଆଶଙ୍କା କରାଯାଉଛି କାରଣ, ଅନେକ ପରିବାର ଏବେ ମଧ୍ୟ ନିଖୋଜ ଅଛନ୍ତି । ପ୍ରଶାସନିକ ସୂତ୍ରରୁ ଜଣାପଡ଼ିଛି ଯେ ଡର୍ବନ ସହର ଏବଂ ଏହା ନିକଟସ୍ଥ ଇଥେକ୍ୱିନୀ ମଟ୍ରୋପଲିଟନ ଅଞ୍ଚଳରେ ପାଖାପାଖି ୫.୨ କୋଟି ଡଲାରର କ୍ଷତି ଅନୁମାନ କରାଯାଉଛି । ୧୨୦ଟି ସ୍କୁଲ ଘରେ ବନ୍ୟାପାଣି ପଶିଯାଇ ଥିବାରୁ ୨.୬ କୋଟି ଡଲାରରୁ ଅଧିକ କ୍ଷୟକ୍ଷତି ଆକଳନ କରାଯାଇଛି । ଏହି କାରଣରୁ ପ୍ରଶାସନ ସ୍ଥାନୀୟ ଅଞ୍ଚଳରେ ସ୍କୁଲଗୁଡ଼ିକୁ ଅସ୍ଥାୟୀ ରୂପେ ବନ୍ଦ କରି ଦେଇଛି । ଶିକ୍ଷାମନ୍ତ୍ରୀ ଏଞ୍ଜି ମୋଶେଗା କହିଛନ୍ତି ଯେ ବନ୍ୟାରେ ବିଭିନ୍ନ ସ୍କୁଲରୁ ପାଖାପାଖି ୧୮ଜଣ ଛାତ୍ର ଏବଂ ଜଣେ ଶିକ୍ଷକଙ୍କ ମୃତ୍ୟୁ ଘଟିଛି । ମିଡିଆ ରିପୋର୍ଟ ମୁତାବକ, ପ୍ରଶାସନିକ ସହାୟତା ଅଭାବକୁ ନେଇ ଡରବନର ରିଜର୍ଭଓ୍ବାୟର ହିଲ୍ସରେ ବିକ୍ଷୋଭ ପ୍ରଦର୍ଶନ କରୁଥିବା ଲୋକଙ୍କୁ ହଟାଇବା ପାଇଁ ପୋଲିସ ଷ୍ଟନ୍ ଗ୍ରେନେଡ୍ ବ୍ୟବହାର କରୁଛି।
