ମୁମ୍ବାଇ,: ଓପନର ଡେଭିଡ୍ ୱାର୍ଣ୍ଣର ଦିଲ୍ଲୀ କ୍ୟାପିଟାଲ୍ସ ସଦସ୍ୟ ଥିବା ଅଷ୍ଟ୍ରେଲିଆର ଅଭିଜ୍ଞ ଗତ ଶନିବାର ମୁମ୍ବାଇରେ ପହଞ୍ଚି କ୍ୱାରେଣ୍ଟାଇନ୍ରେ ରହିଛନ୍ତି । ଦିଲ୍ଲୀ ଫ୍ରାଞ୍ଚାଇଜ ପକ୍ଷରୁ ଆଜି ଟ୍ୱିଟ୍ କରି ଏବିଷୟ ସୂଚନା ଦିଆଯାଇଛି । ସେ ବାଧ୍ୟତାମୂଳକ ତିନିଦିନିଆ କ୍ୱାରେଣ୍ଟାଇନ୍ ଶେଷ କରିବା ପରେ ଦଳ ସହ ଯୋଗ ଦେବେ । ଘରୋଇ ପାକିସ୍ତାନ ବିପକ୍ଷ ଦିନିକିଆ ସିରିଜ ପାଇଁ ୱାର୍ଣ୍ଣର ଅଷ୍ଟ୍ରେଲିଆ ଦଳ ସଦସ୍ୟ ଥିଲେ । ତେଣୁ ସେ ବିଳମ୍ବରେ ମୁମ୍ବାଇ ପହଞ୍ଚିଥିଲେ ।
୨୦୦୯ରେ ୱାର୍ଣ୍ଣର ଦିଲ୍ଲୀ ଫ୍ରାଞ୍ଚାଇଜ ପକ୍ଷରୁ ଆଇପିଏଲ୍ରେ ପଦାର୍ପଣ କରିଥିଲେ । ଦୀର୍ଘ ୧୩ବର୍ଷ ପରେ ସେ ଦଳକୁ ପ୍ରତ୍ୟାବର୍ତ୍ତନ କରିବେ । ଗତ ଆଇପିଏଲ୍ ମେଗା ଖେଳାଳି ନିଲାମରେ ଦିଲ୍ଲୀ କ୍ୟାପିଟାଲ୍ସ ୱାର୍ଣ୍ଣରଙ୍କୁ କିଣିଥିଲା । ଚଳିତ ସଂସ୍କରଣରେ ଦିଲ୍ଲୀ ୨ଟି ମ୍ୟାଚ୍ ଖେଳି ଗୋଟିଏ ଜିତିଛି । ଆସନ୍ତା ୭ ତାରିଖ ଦଳ ତା’ର ତୃତୀୟ ଲିଗ୍ ମ୍ୟାଚ୍ରେ ଲକ୍ଷ୍ନୌ ସୁପର ଜାଏଣ୍ଟ୍ସକୁ ଭେଟିବ । ୱାର୍ଣ୍ଣର ଏହି ମ୍ୟାଚ୍ ଖେଳିବା ସମ୍ଭାବନା ରହିଛି ।
