ମୁମ୍ବାଇ: ମୁମ୍ବାଇ ନିକଟସ୍ଥ ନାଲାସୋପାରା ଠାରେ ଏକ ହୃଦୟ ବିଦାରକ ଦୁର୍ଘଟଣା ଘଟିଛି। ଭିଡିଓ ମଧ୍ୟ ସାମ୍ନାକୁ ଆସିଛି। ଯାହା ଭାଇରାଲ୍ ହେଉଛି । ଜଣେ ଯୁବକ ତାଙ୍କ ମୋଟରସାଇକେଲରେ ଏକ ଛୋଟ ନିଆଁ ଲିଭାଇବାକୁ ଚେଷ୍ଟା କରୁଥିବାବେଳେ ଜଳି ଯାଇଥିଲା । ଏହି ନିଆଁ ଏତେ ଶକ୍ତିଶାଳୀ ଥିଲା ଯେ ନିକଟରେ ପାର୍କିଂ ହୋଇଥିବା ଅଟୋରେ ମଧ୍ୟ ନିଆଁ ଲାଗିଯାଇଥିଲା । ପଶ୍ଚିମ ନାଲାସୋପାରା ହନୁମାନ ରୋଡରେ ଏହି ଦୁର୍ଘଟଣା ଘଟିଛି ।
ସୂଚନା ଅନୁଯାୟୀ, ସିଏନଜି ଅଟୋ ଏବଂ ମୋଟରସାଇକେଲ ମଧ୍ୟରେ ମୁହାଁମୁହିଁ ଧକ୍କା ହୋଇଥିଲା। ଧକ୍କା ହେବାର କିଛି ସମୟ ପରେ ମୋଟରସାଇକେଲର ଟ୍ୟାଙ୍କରେ ନିଆଁ ଲାଗିଯାଇଥିଲା। ଆଶ୍ଚର୍ଯ୍ୟର କଥା, ଟ୍ୟାଙ୍କରେ ଥିବା ଛୋଟ ନିଆଁ ଲିଭାଇବା ପାଇଁ ପାଇପ ସାହାଯ୍ୟରେ ମୋଟରସାଇକେଲରେ ପାଣି ମାଡ ହେଉଥିବା ବେଳେ ଏହି ଅଗ୍ନିକାଣ୍ଡ ଘଟିଥିଲା।
जलती टंकी खोलना भारी पड़ा…!!
दिल दहला देने वाली ये घटना नालासोपारा पश्चिम की है..
गनीमत है युवक की जान बच गई। pic.twitter.com/Oy1M64UTCa— sunilkumar singh (@sunilcredible) April 13, 2022
ଲୋକଙ୍କ ନିର୍ଦ୍ଦେଶରେ ଯୁବକ ଜଣକ ନିଆଁ ଲିଭାଇବାକୁ ଚେଷ୍ଟା କରିଥିଲେ। କିନ୍ତୁ ଯୁବକଟି ଟ୍ୟାଙ୍କରର ଢାଙ୍କୁଣୀ ଖୋଲିବା ମାତ୍ରେ ନିଆଁ ଜଳିଗଲା । ଏହି ନିଆଁ ଏତେ ଶକ୍ତିଶାଳୀ ଥିଲା ଯେ ହଠାତ୍ ଯୁବକ ଦେହରେ ମଧ୍ୟ ନିଆଁ ଲାଗିଯାଇଥିଲା । ଏପରିକି ନିକଟସ୍ଥ ପାର୍କିଂ ହୋଇଥିବା ଏକ ଅଟୋ ମଧ୍ୟ ଏହି ଭୟଙ୍କର ଅଗ୍ନିକାଣ୍ଡରେ ଜଳି ଯାଇଛି । ଏହି ଘଟଣା ପରେ ଲୋକଙ୍କ ମଧ୍ୟରେ ଉତ୍ତେଜନା ଦେଖାଦେଇଥିଲା ଏବଂ ସମସ୍ତେ ନିଆଁ ଲିଭାଇବାକୁ ଚେଷ୍ଟା କରିବା ଆରମ୍ଭ କରିଥିଲେ ।
ଏହି ଦୁର୍ଘଟଣାରେ ଯୁବକଙ୍କ ଜୀବନ ବଞ୍ଚି ଯାଇଥିବାରୁ ସେ ସାମାନ୍ୟ ଆହତ ହୋଇଥିଲେ । ଦୁର୍ଘଟଣାର ଭିଡିଓଟି ଭାଇରାଲ ହେବାରେ ଲାଗିଛି।
