ନୂଆଦିଲ୍ଲୀ: ଭାରତୀୟ କ୍ରିକେଟ୍ ଦଳର ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନିଙ୍କ ଅଫିସିଆଲ୍ ଟ୍ୱିଟର ଆକାଉଣ୍ଟରୁ ବ୍ଲୁ ଟିକ୍ ହଟାଇ ଦିଆଯାଇଛି । ଧୋନୀ ଦୀର୍ଘ ଦିନ ଧରି ନିଜ ଟ୍ୱିଟର ବ୍ୟବହାର କରୁନଥିବାରୁ ଟ୍ୱିଟର ଇଣ୍ଡିଆ ପକ୍ଷରୁ ଏଭଳି ପଦକ୍ଷେପ ନିଆଯାଇଥିବା କୁହାଯାଉଛି । ଟ୍ୱିଟର ଇଣ୍ଡିଆ ପକ୍ଷରୁ କୁହାଯାଇଛି ଯେ, ଧୋନୀ ଭୌଗୋଳିକ ସ୍ଥିତି ତଥା ଅନ୍ୟାନ୍ୟ ଗାଇଡ଼ଲାଇନ ଅନୁଯାୟୀ ଧୋନୀ ମାତ୍ର ୦.୫ ପ୍ରତିଶତ ଟ୍ୱିଟର ଆକାଉଣ୍ଟ ବ୍ୟବହାର କରିଥାନ୍ତି ।
ଧୋନି ଗତ ଜାନୁଆରୀ ମାସରେ ଶେଷଥର ପାଇଁ ଟ୍ୱିଟ୍ କରିଥିଲେ । ଧୋନି ଗତ ବର୍ଷ ୧୫ ଅଗଷ୍ଟରେ ଅନ୍ତର୍ଜାତୀୟ କ୍ରିକେଟରୁ ଅବସର ଘୋଷଣା କରିଥିଲେ। ସେ ଏହି ନିଷ୍ପତ୍ତିକୁ ଇନଷ୍ଟାଗ୍ରାମରେ ଘୋଷଣା କରିଥିଲେ । ତେବେ ସେ ୨୦ ଅଗଷ୍ଟରେ କେବଳ ଟ୍ୱିଟର ମାଧ୍ୟମରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଧନ୍ୟବାଦ ପତ୍ରର ଉତ୍ତରରେ ପ୍ରତ୍ୟୁତ୍ତର ରଖିଥିଲେ। ଏହା ପରେ ସେ ସେପ୍ଟେମ୍ବରରେ ଭାରତୀୟ ବାୟୁସେନା ସମ୍ପର୍କରେ ଦୁଇଟି ଟ୍ୱିଟ୍ କରିଛନ୍ତି ।
