ଗୌହାଟି: ଅଲମ୍ପିକ ପଦକ ବିଜେତା ଲଭଲୀନା ବୋରାଗୋହେଁ ଗୁରୁବାର ସକାଳେ ଗୌହାଟିରେ ପହଞ୍ଚିଛନ୍ତି । ତାଙ୍କୁ ସ୍ବାଗତ କରିବା ପାଇଁ ଖୋଦ ମୁଖ୍ୟମନ୍ତ୍ରୀ ହେମନ୍ତ ବିଶ୍ବଶର୍ମା ବିମାନ ବନ୍ଦରରେ ପହଞ୍ଚିଛଥିଲେ । ଆସାମର ପାରମ୍ପରିକ ଗାମୁଛା ଓ ଜାପି ଦେଇ ଲଭଲୀନାଙ୍କୁ ସ୍ବାଗତ କରିଥିଲେ ମୁଖ୍ୟମନ୍ତ୍ରୀ । ଏପରିକି ସେ ଲଭଲୀନାଙ୍କ ସହିତ ଫଟୋ ମଧ୍ୟ ଉଠାଇଥିଲେ ।
ତେବେ ମୁଖ୍ୟମନ୍ତ୍ରୀ ହେମନ୍ତ ବିଶ୍ବଶର୍ମା ଟ୍ବିଟ କରି କହିଛନ୍ତି କି, ଏହା ମୋ ପାଇଁ ଗର୍ବର ବିଷୟ । ଗର୍ବ ଏବଂ ଗୌରବର ସହିତ ମୁଁ ଆମର ଷ୍ଟାର ଖେଳାଳି ଅଲମ୍ପିକ ମେଡାଲ ବିଜେତା ଲଭଲୀନାଙ୍କୁ ସ୍ବାଗତ କରିଛି । ସେ ଆହୁରି ମଧ୍ୟ କହିଥିଲେ କି ଲଭଲୀନା ଟୋକିଓ ଅଲିମ୍ପିକରେ ନିଜର ସଫଳତା ସହିତ ଶତାଧିକ ସ୍ବପ୍ନକୁ ସେ ଉଜାଗର କରିଛନ୍ତି। ଏହା ସହିତ ଗ୍ରାମାଞ୍ଚଳରେ କ୍ରୀଡ଼ା ପ୍ରତିଭାଙ୍କ ପାଇଁ ପ୍ରେରଣା ମଧ୍ୟ ସାଜିଛନ୍ତି ବୋଲି ସେ କହିଛନ୍ତି ।
