ଘରେ କିଛି ପନିପରିବା ବଳି ଯାଇଛିକି ? ଖାଇ ଖାଇ ବିରକ୍ତ ହୋଇଗଲେଣି ଆଉ ସେଗୁଡିକୁ କଣ କରିବେ ଜାଣି ପାରୁନାହାନ୍ତି କି ? ଜମା ଚିନ୍ତା କରନ୍ତୁନି । ଏହି ସବୁ ପନିପରିବାରେ ଆପଣ ଏକ ସ୍ୱାଦିଷ୍ଟ ପରଟା ବନାଇ ତାର ମଜା ନେଇପାରିବେ । ଘରେ ବଳି ପଡ଼ିଥିଵା ଗାଜର, ବନ୍ଧା କୋବି, ଫୁଲ କୋବି ଆଦିରେ ଆପଣ ଏକ ସ୍ୱାଦିଷ୍ଟ ଭେଜ ପରଟା ପ୍ରସ୍ତୁତ କରି ତାହାର ମଜା ନେଇପାରିବେ । ତେବେ ଜାଣି ରଖନ୍ତୁ ଏହାର ପ୍ରସ୍ତୁତି ପ୍ରଣାଳୀ:
ଆବଶ୍ୟକ ସାମଗ୍ରୀ:
ଅଟା- ୨ କପ
ତେଲ – ୨ ଟେବଲ ସ୍ପୁନ
ଲୁଣ ସ୍ୱାଦ ଅନୁସାରେ
୨ ବଡ଼ ଚାମଚ ଜିରା
ଦୁଇ ଛୋଟ ଚାମଚ ପାନମଧୁରୀ
ଗୋଟେ ଚାମଚ ହଳଦୀ
ଛୋଟ କଟା ଯାଇଥିବା ପନିପରିବା ୨ କପ
ଅଦା- ଖଣ୍ଡେ
ରସୁଣ- ସ୍ୱାଦ ଅନୁସାରେ
କଞ୍ଚା ଲଙ୍କା- ୨ ରୁ ୪ ଟି
ଧନିଆ ଗୁଣ୍ଡ- ଛୋଟ ଚାମଚ
ଜିରା ଗୁଣ୍ଡ – ଛୋଟ ଚାମଚ
ଆମଚୁର ପାଉଡର – ଛୋଟ ଚାମଚ
ଆଳୁ ସିଝା – ଗୋଟେ
ପ୍ରସ୍ତୁତି ପ୍ରଣାଳୀ:
ପ୍ରଥମେ ଅଟାରେ କିଛି ତେଲ, ଲୁଣ ଆଦି ଦେଇ ନରମ କରି ଚକଟି ଦିଅନ୍ତୁ । ଧ୍ୟାନ ଦେବେ ଯେମିତି ଅଟା ନରମ ହେବ । ଅଟା ଚକଟିବା ବେଳେ ଉଷୁମ ପାଣିର ବ୍ୟବହାର କରିବା ସର୍ବୋତ୍ତମ । ପ୍ରଥମେ ଆଳୁ ସିଝାଇ ଦିଅନ୍ତୁ । ସିଝିଲା ପରେ ହାତରେ ଚକଟି ଦିଅନ୍ତୁ । ଏକ ପ୍ୟାନରେ ତେଲ ଗରମ କରନ୍ତୁ । ଏବେ ସେଥିରେ ପାନମଧୁରୀ/ଜିରା ପକାନ୍ତୁ । ଏବେ ସେଥିରେ କଟା ଯାଇଥିବା ପରିବା ଦିଅନ୍ତୁ । ଅଦା, ରସୁଣ ପେଷ୍ଟ ଦେଇ ଧିମା ଆଁଚରେ ବସାନ୍ତୁ ।
ଏବେ ସେଥିରେ ହଳଦୀ ଗୁଣ୍ଡ, ଗରମ ମସଲା, ଲଙ୍କା ଗୁଣ୍ଡ, ଲୁଣ ଧନିଆ ପତ୍ର ଦେଇ ହାଇ ଆଁଚରେ ବସାନ୍ତୁ । ଯଦି ମିଶ୍ରଣ ମିଶ୍ରଣ ବାନ୍ଧି ନହେଉଛି ତେବେ ସେଥିରେ ସିଝା ଆଳୁ ଦେଇ ଚକଟି ଦିଅନ୍ତୁ । ମିଶ୍ରଣ ଟିକୁ ଥଣ୍ଡା କରିବା ପରେ ଛୋଟ ଛୋଟ ଗୁଳା ପ୍ରସ୍ତୁତ କରନ୍ତୁ । ଏହା ସହ ଅଟା ଗୁଳା ବନାଇ ଦିଅନ୍ତୁ । ଏବେ ମିଶ୍ରଣକୁ ଅଟା ଭିତରେ ଦେଇ ପରଟା ଆକାରରେ ବେଲି ଦିଅନ୍ତୁ । ଏବେ ତାୱାରେ ପ୍ରସ୍ତୁତ ହୋଇଥିବା ପରଠାକୁ ଦେଇ ତେଲ ଦିଅନ୍ତୁ | ସୁନେଲି ରଙ୍ଗ ହେବା ପର୍ଯ୍ୟନ୍ତ ଆଞ୍ଚରେ ବସାନ୍ତୁ ।
