ଭୁବନେଶ୍ୱର(ଓଡ଼ିଶା ୱେୟାର): ଚାଲିଛି ୫ ରାଜ୍ୟର ଭୋଟ ଗଣତି। ୨୦୧୯ ସାଧାରଣ ନିର୍ବାଚନ ପୂର୍ବରୁ ଏହାକୁ ସେମିଫାଇନାଲ୍ ବୋଲି ଧରାଯାଇପାରେ। ରାଜସ୍ଥାନ, ମଧ୍ୟପ୍ରଦେଶ, ତେଲଙ୍ଗାନା, ଛତିଶଗଡ ଓ ମିଜୋରାମ୍ରେ ପରିବର୍ତ୍ତନର ଆଭାସ ଦେଖିବାକୁ ମିଳୁଛି।
ରାଜସ୍ଥାନ, ମଧ୍ୟପ୍ରଦେଶ, ଛତିଶଗଡ଼, ତେଲଙ୍ଗାନା ଓ ମିଜୋରମ୍ ଭଳି ରାଜ୍ୟରେ ଭୋଟ ଗଣତି ଆରମ୍ଭ ହୋଇଯାଇଥିବା ୧୦ଟ। ସୁଦ୍ଧା ରାଜସ୍ଥାନରେ କଂଗ୍ରେସ ଆଗରେ ରହିଛି। ସେହିପରି ମଧ୍ୟପ୍ରଦେଶରେ କଂଗ୍ରେସ ଓ ବିଜେପି ମଧ୍ୟରେ କଡ଼ା ଟକ୍କର ଦେଖିବାକୁ ମିଳୁଛି।
ମଧ୍ୟପ୍ରଦେଶରେ ୨୩୦ ଆସନ ପାଇଁ ନିର୍ବାଚନ ହେଉଥିବା ବେଳେ ଶେଷ ଖବର ସୁଦ୍ଧା କଂଗ୍ରେସ ୪୦ ଆସନରେ ଆଗୁଆ ରହିଛି। ରାଜସ୍ଥାନରେ ୬୩ ଓ ଛତିଶଗଡରେ ୧୧ଟି ଆସନରେ ଦଳ ଆଗୁଆ ରହିଥିବା ସୂଚନା ମିଳିଛି।ଏକ୍ଜିଟ୍ ପୋଲ୍କୁ ଆଧାର କରି ଏହି ନିର୍ବାଚନ ଫଳାଫଳ ଆଗକୁ ବଢ଼ୁଥିବା ବେଳେ କଂଗ୍ରେସର ସ୍ଥିତି ସୁଦୃଢ଼ ହେଉଥିବା ଦେଖିବାକୁ ମିଳୁଛି। ଅଦ୍ୟାବଧି ନିର୍ବାଚନ ପରିଣାମ ସ୍ପଷ୍ଟ ହୋଇ ନ ଥିଲେ ମଧ୍ୟ ଶେଷ ଖବର ସୁଦ୍ଧା କଂଗ୍ରେସ ଫାଇଦାରେ ରହିବ ବୋଲି ଆଶା।
