ନୂଆଦିଲ୍ଲୀ : ଓଡ଼ିଶା ହାଇକୋର୍ଟର ବିଚାରପତି ଜଷ୍ଟିସ ଇନ୍ଦ୍ରଜିତ୍ ମହାନ୍ତିଙ୍କୁ ମୁମ୍ବାଇ ହାଇକୋର୍ଟକୁ ବଦଳି ଓ ଜଷ୍ଟିସ ଶତ୍ରୁଘ୍ନ ପୂଜାହାରୀଙ୍କୁ ନିଜ ନିଜର ଗୃହ ରାଜ୍ୟକୁ ଫେରିବା ପାଇଁ ସୁପ୍ରିମକୋର୍ଟ କଲେଜିୟମ ଆଜି ସୁପାରିସ୍ କରିଛନ୍ତି ।
ପ୍ରଧାନ ବିଚାରପତି ଜଷ୍ଟିସ ରଞ୍ଜନ ଗୋଗେଇଙ୍କ ଅଧ୍ୟକ୍ଷତାରେ ଗଠିତ କଲେଜିୟମ ଜଷ୍ଟିସ ମହାନ୍ତିଙ୍କ ବଦଳି ସମେତ ଓଡ଼ିଶା ହାଇକୋର୍ଟର ବିଚାରପତି ଜଷ୍ଟିସ ସୁଜିତ୍ ନାରାୟଣ ପ୍ରସାଦଙ୍କୁ ନିଜ ଗୃହ ରାଜ୍ୟ ଝାଡ଼ଖଣ୍ଡ ହାଇକୋର୍ଟ ଓ ମାଡ୍ରାସ ହାଇକୋର୍ଟର ବିଚାରପତି ଜଷ୍ଟିସ ଶତ୍ରୁଘ୍ନ ପୂଜାହାରୀଙ୍କୁ ନିଜ ଗୃହ ରାଜ୍ୟ ଓଡ଼ିଶା ହାଇକୋର୍ଟକୁ ଫେରିବା ପାଇଁ ସୁପାରିସ୍ କରିଛନ୍ତି । କଲେଜିୟମଙ୍କ ସୁପାରିସ ଅନୁସାରେ ଜଷ୍ଟିସ ପୂଜାହାରୀ ୨୦୧୭ ନଭେମ୍ବର ୨୩ରୁ ମାଡ୍ରାସ ହାଇକୋର୍ଟର ବିଚାରପତି ଭାବେ କାର୍ଯ୍ୟ କରୁଛନ୍ତି ।
