ନୂଆଦିଲ୍ଲୀ: ରାଜଧାନୀ ଦିଲ୍ଲୀରେ ଶନିବାର ରେକର୍ଡ ଭାଙ୍ଗିଛି ବର୍ଷା ପ୍ରବଳ ବର୍ଷା କାରଣରୁ ସମଗ୍ର ଦିଲ୍ଲୀ ଜଳମଗ୍ନ ହୋଇ ପଡ଼ିଛି। ବିଭିନ୍ନ ସ୍ଥାନରେ ପାଣି ଜମି ରହିଥିବା ଦେଖିବାକୁ ମିଳିଛି। ଏପରିକି ଇନ୍ଦିରାଗାନ୍ଧୀ ଅନ୍ତର୍ଜାତୀୟ ବିମାନବନ୍ଦର ମଧ୍ୟରେ ବିମାନ ଚଳାଚଳରେ ବ୍ୟାଘାତ ସୃଷ୍ଟି ହୋଇଥିବା ଦେଖିବାକୁ ମିଳିଛି।
ବିମାନ ବନ୍ଦରର ଟର୍ମିନାଲ ୩ରେ ପାଣି ଜମି ରହିଛି। ଏପରିକି ବିମାନ ଗୁଡ଼ିକ ବୁଡ଼ି ରହିଥିବା ଦେଖିବାକୁ ମିଳିଛି। ଦିଲ୍ଲୀ ବିମାନ ବନ୍ଦର ପକ୍ଷରୁ ସୂଚନା ଦିଆଯାଇଛି କି ଅଚାନକ ପ୍ରବଳ ବର୍ଷା ହେବା କାରଣରୁ ବିମାନବନ୍ଦରରେ ପାଣି ଜମି ଯାଇଥିବା ଦେଖିବାକୁ ମିଳିଥିଲା। ତେବେ ବିମାନ ବନ୍ଦର କର୍ତ୍ତୃପକ୍ଷ ସଙ୍ଗେ ସଙ୍ଗେ ଏହା ଉପରେ ପଦକ୍ଷେପ ନେଇଥିଲେ। ସେପଟେ ନଗର ନିଗମ ଅନୁଯାୟୀ ମୋତି ବାଗ ଓ ଆରକେପୁରମ ବ୍ୟତୀତ ମଧୁ ବିହାର, ହରି ନଗର, ରୋହତକ ରୋଡ଼, ବଦରପୁର, ସୋମ ବିହାର, ଆଇପି ଷ୍ଟେସନ, ସମିପ ରିଙ୍ଗ ରୋଡ଼, ବିକାଶ ମାର୍ଗ, ସଂଗମ ବିହାର, ମେରୌଲି-ବଦରପୁର ରୋଡ଼, ପୁଲ ପ୍ରହ୍ଲାଦପୁର ଅଣ୍ଡରପାସ, ମୁନିରିକା, ରାଜପୁର ଖୁର୍ଦ, ନାଂଗଲୋଇ ଓ କିରାଡ଼ି ସମେତ ଅନ୍ୟ ରାସ୍ତା ଗୁଡ଼ିକରେ ମଧ୍ୟ ଜଳାର୍ଣ୍ଣବ ହୋଇଥିବା ଦେଖିବାକୁ ମିଳିଥିଲା।
ଦିଲ୍ଲୀରେ ମୌସୂମୀ ୧୯ ବର୍ଷର ରେକର୍ଡ ଭାଙ୍ଗିଛି। ଜୁଲାଇ ମାସରେ ୧୬ ଦିନ ବର୍ଷା ହୋଇଥିବା ବେଳେ ଚଳିତ ବର୍ଷ ସର୍ବାଧି ୫୦୭.୧ ମିମି ବର୍ଷା ହୋଇଛି। ଯାହା ପାଖାପାଖି ୧୪୧ ପ୍ରତିଶତ ଅଧିକ ବର୍ଷା ହୋଇଥିବା ଜଣାପଡ଼ିଛି। ତେବେ ଜୁଲାଇ ୨୦୦୩ ମସିହା ପରେ ଚଳିତ ମାସରେ ସର୍ବାଧିକ ବର୍ଷା ହୋଇଥିବା ସୂଚନା ରହିଛି। ତେବେ ପ୍ରବଳ ବର୍ଷା କାରଣରୁ ନ୍ୟୁନତମ ତାପମାତ୍ରା ୨୪ ଡିଗ୍ରୀ ରହିଥିବା ଜଣାପଡ଼ିଛି।
