ଭୋଗରାଇ (ଓଡ଼ିଶା ୱେୟାର): ପୋଖରୀରେ ପଡି ବୃଦ୍ଧାଙ୍କ ମୃତ୍ୟୁ । ବାଲେଶ୍ଵର ଜିଲ୍ଲାର ବାଲିଆପାଳ ଥାନା ଅଧୀନ ପ୍ରତାପପୁର ଗାଁର ଦେଖିବାକୁ ମିଳିଛି ଏଭଳି ଘଟଣା । ମୃତକ ପଞ୍ଚୁରୁଖି ଗାଁରେ ପୂର୍ଣ୍ଣଚନ୍ଦ୍ର ମଣ୍ଡଳଙ୍କ ସ୍ତ୍ରୀ ପାର୍ବତୀ ମଣ୍ଡଳ ବୋଲି ଜଣାପଡିଛି ।
ଖବର ଅନୁଯାୟୀ, ପାର୍ବତୀ ମଣ୍ଡଳ ପ୍ରତାପପୁର ଗାଁରେ ନିଜ ଝିଅଙ୍କ ଘରେ ଆଠମାସ ତଳୁ ଆସିଥିଲେ । ହେଲେ ଶନିବାର ବିଳମ୍ବିତ ରାତିରୁ ସେ କେଉଁଆଡେ ନିଖୋଜ ଥିଲେ । ଗ୍ରାମବାସୀ ଓ ପରିବାରଲୋକେ ବହୁ ଖୋଜାଖୋଜି କରିଥିଲା । କିନ୍ତୁ କୌଣସି ପତ୍ତାମିଳିନିଥିଲା । ଶେଷରେ ଝିଅ ଶାଶୁ ଘର ଠାରୁ ୨ ଶହ ମିଟରେ ଦୂରରେ ଥିବା ଏକ ପୋଖରୀରେ ତାଙ୍କ ମୃତଦେହ ଭାସୁଥିବାର ଦେଖିବାକୁ ମିଳିଥିଲା । ତୁରନ୍ତ ତାଙ୍କୁ ପୋଖରୀରୁ ଉଦ୍ଧାର କରି ନିକଟସ୍ଥ ମେଡିକାଲକୁ ନିଆଯାଇଥିଲା । ସେଠାରେ ଡାକ୍ତର ତାଙ୍କୁ ମୃତ୍ୟୁ ଘୋଷଣା କରିଛନ୍ତି ।
