ନୂଆଦିଲ୍ଲୀ: ଦୀର୍ଘ ସମୟ ଧରି ପିଏମ କିଶାନ କିସ୍ତିକୁ ଅପେକ୍ଷା କରିଥିବା ଚାଷୀ ଭାଇଙ୍କ ପାଇଁ ଖୁସି ଖବର । ପ୍ରଧାନମନ୍ତ୍ରୀ କିଶାନ ଯୋଜନାରେ ପରବର୍ତ୍ତୀ କିସ୍ତି ଆସନ୍ତା ୯ ତାରିଖରେ ଚାଷୀଭାଇଙ୍କ ଖାତାରେ ଜମା ହେବ । ତେବେ ମିଳିଥିବା ସୂଚନା ଅନୁଯାୟୀ ଆସନ୍ତା ୫ ତାରିଖରେ ଉତ୍ତରପ୍ରଦେଶର ଚାଷୀ ଭାଇଙ୍କ ଖାତାରେ ଜମା ହେବାକୁ ଥିବା ବେଳେ ମଧ୍ୟପ୍ରଦେଶ ଚାଷୀ ଭାଇଙ୍କ ଖାତାରେ ୭ ତାରିଖରେ ଜମା ହେବ। ସେହିପରି ୯ ତାରିଖରେ ଦେଶର ଅନ୍ୟରାଜ୍ୟର ଚାଷୀଭାଇଙ୍କ ନିକଟକୁ କିସ୍ତି ଯିବ । ଏହି ଯୋଜନା ଅନ୍ତର୍ଗତ ଏହା ନବମ କିସ୍ତି ହେବ। ବର୍ତ୍ତମାନ ସୁଦ୍ଧା ୮ଟି କିସ୍ତିରେ ୧୬ ହଜାର ଟଙ୍କା ଦେଶର ଚାଷୀଙ୍କ ଖାତାରେ ଜମା ହୋଇ ସାରିଛି ।
