କାବୁଲ: ଆଫଗାନିସ୍ତାନରେ ବିଗତ କିଛି ଦିନ ଧରି ତାଲିବାନ ତାର ଯୁଦ୍ଧ ଜାରି ରଖିଛି । ଆଫଗାନିସ୍ତାନର ପ୍ରମୁଖ ସହର ସମେତ ଦେଶର ଦକ୍ଷିଣାଞ୍ଚଳକୁ ସମ୍ପୂର୍ଣ୍ଣ ଭାବେ ନିଜ ଅକ୍ତିଆରକୁ ନେଇଛି ତାଲିବାନ । ଦେଶର ଅନ୍ୟ ରାଜ୍ୟଗୁଡ଼ିକୁ କବଜା କରିବା ପରେ ଅନ୍ୟ ଦୁଇ ପ୍ରମୁଖ ସହର କାନ୍ଦାହାର ଓ ହୈରାତକୁ ନିଜ ଅକ୍ତିଆରକୁ ନେବା ପରେ ବର୍ତ୍ତମାନ କାବୁଲ ଆଡ଼କୁ ଅଗ୍ରସର ହେଉଛନ୍ତି ତାଲିବାନୀ ସେନା । ଏହି ଦୁଇ ସହର ବ୍ୟତୀତ ଲକ୍ଷସରଗାହକୁ ମଧ୍ୟ ନିଜ ଅକ୍ତିଆରକୁ ନେଇଛନ୍ତି । ତେବେ ସେଠାରେ ଦୁଇ ଦଶନ୍ଧି ପୂର୍ବରୁ ଶତାଧିକ ସଂଖ୍ୟାରେ ବିଦେଶୀ ସେନାଙ୍କୁ ହତ୍ୟା କରିଥିଲେ ତାଲିବାନି ସେନା ।
ଦକ୍ଷିଣ ଅଞ୍ଚଳର ଦଖଲ କରିବା ତାଲିବାନ ୩୪ଟି ପ୍ରଦେଶର ଅଧାରୁ ଅଧିକ ରାଜଧାନୀକୁ ନିଜ ଅଧୀନକୁ ନେବା ସହିତ ସମାନ। ଏଭଳି ସ୍ଥିତିରେ ଯେତେବେଳେ ଆମେରିକା କିଛି ସପ୍ତାହ ପରେ ନିଜର ସେନା ପ୍ରତ୍ୟାହାର କରିବାକୁ ଯାଉଛି, ତାଲିବାନ ଦେଶର ଦୁଇ ତୃତୀୟାଂଶରୁ ଅଧିକ ଅଞ୍ଚଳ ଦଖଲ କରିଛି ତାଲିବାନ। ତାଲିବାନ ମଧ୍ୟ କାବୁଲର ଦକ୍ଷିଣରେ ଥିବା ଲୋଗାର ପ୍ରଦେଶ ଦେଇ କାବୁଲ ଅଭିମୁଖେ ଅଗ୍ରସର ହେଉଥିବା ଜଣାପଡ଼ିଛି । ଏହା ପ୍ରାଦେଶିକ ରାଜଧାନୀ ପୁଲି-ଇ ଆଲିମରେ ଥିବା ପୋଲିସ ମୁଖ୍ୟାଳୟକୁ ନିକଟସ୍ଥ କାରାଗାରକୁ କାବୁ କରିଥିବା ଦାବି କରିଛି। ଏହି ସହର କାବୁଲ ଠାରୁ ପ୍ରାୟ ୮୦ କିଲୋମିଟର ଦକ୍ଷିଣରେ ଅବସ୍ଥିତ।
ସମ୍ପୂର୍ଣ୍ଣ ଦେଶ ଉପରେ ଆଣିପାରେ ନିୟନ୍ତ୍ରଣ
ସେପଟେ କାବୁଲ ଉପରେ ସିଧାସଳଖ ବିପଦ ନାହିଁ। ତଥାପି ଦେଶର ଅନ୍ୟ ଅଞ୍ଚଳରେ ହୋଇଥିବା କ୍ଷତି ଏବଂ ଲଢେଇ ତାଲିବାନଙ୍କ ମନୋବଳକୁ ଦୃଢ କରିପାରିଛି। ଆମେରିକାର ସର୍ବଶେଷ ସାମରିକ ଗୁପ୍ତଚର ଆକଳନରୁ ଜଣାପଡିଛି ଯେ କାବୁଲ ୩୦ ଦିନ ମଧ୍ୟରେ ତାଲିବାନୀଙ୍କ କବଜାକୁ ଆସିପାରେ ଏବଂ ବର୍ତ୍ତମାନର ଆଭିମୁଖ୍ୟ ଜାରି ରହିଲେ ତାଲିବାନ କିଛି ମାସ ମଧ୍ୟରେ ସମ୍ପୂର୍ଣ୍ଣ ଆଫଗାନିସ୍ତାନକୁ ନିଜ ନିୟନ୍ତ୍ରଣକୁ ନେଇଯିବ। ଯଦି ତାଲିବାନ ଏହି ଗତି ବଜାୟ ରଖେ, ତେବେ ଆଫଗାନିସ୍ତାନ ସରକାର ପରାଜୟ ବରଣ କରିବା ସହିତ ରାଜଧାନୀ ତଥା ଅନ୍ୟ କେତେକ ସହରକୁ ରକ୍ଷା କରିବାକୁ ବାଧ୍ୟ ହୋଇପାରନ୍ତି।
ଉରୁଜୁଗାନ-ଜାବୁଲ ରାଜଧାନୀ ମଧ୍ୟ କବଜା
ଏହି ଉଗ୍ରବାଦୀ ଦଳ ଦକ୍ଷିଣରେ ହେଲମନ୍ଦ ବ୍ୟତୀତ ଉରୁଜଗାନ ଏବଂ ଜାବୁଲ ପ୍ରଦେଶର ରାଜଧାନୀକୁ କାବୁ କରିଛି। ହେଲମନ୍ଦରେ ଥିବା ପ୍ରାଦେଶିକ ପରିଷଦର ମୁଖ୍ୟ ଆତ୍ତାଉଲ୍ଲହା ଆଫଗାନ କହିଛନ୍ତି ଯେ ପ୍ରବଳ ଯୁଦ୍ଧ ପରେ ତାଲିବାନ ପ୍ରାଦେଶିକ ରାଜଧାନୀ ଲଶ୍କରଗାହକୁ କବଜା କରି ସରକାରୀ ସ୍ଥାପନ ଉପରେ ଧଳା ପତାକା ଉଡ଼ାଇଛି। ସେ କହିଛନ୍ତି ଯେ ଲଶ୍କରଗାହ ବାହାରେ ଅବସ୍ଥିତ ତିନୋଟି ନ୍ୟାସନାଲ ଆର୍ମି ବେଶ ସରକାରଙ୍କ ଅଧୀନରେ ଅଛି। ଜାବୁଲ ପ୍ରଦେଶର ପ୍ରାଦେଶିକ ପରିଷଦର ମୁଖ୍ୟ ଅଟଳ ଜନ ହକବାୟାନ କହିଛନ୍ତି ଯେ ରାଜଧାନୀ କାଲାତକୁ ତାଲିବାନ ନିୟନ୍ତ୍ରଣରେ ନିଆଯାଇଛି ଏବଂ ଅଧିକାରୀମାନେ ନିକଟସ୍ଥ ସାମରିକ ଶିବିରରେ ଯିବାକୁ ପ୍ରସ୍ତୁତ ହେଉଛନ୍ତି।
ଆଫଗାନିସ୍ତାନର ଦକ୍ଷିଣ ଉରୁଜଗାନ୍ ପ୍ରଦେଶର ଦୁଇଜଣ ସାଂସଦ କହିଛନ୍ତି ଯେ ସ୍ଥାନୀୟ କର୍ତ୍ତୃପକ୍ଷ ପ୍ରାଦେଶିକ ରାଜଧାନୀ ତିରିନ୍ କୋଟକୁ ଦ୍ରୁତ ଗତିରେ କାବୁଲ ଆସୁଥିବା ତାଲିବାନୀଙ୍କ କବଜାକୁ ହସ୍ତାନ୍ତର କରିଦେଇଛନ୍ତି। ବିସ୍ମିଲ୍ଲା ଜାନ ମହମ୍ମଦ ଏବଂ କୁଦରତୁଲ୍ଲା ରହମି ଶୁକ୍ରବାର ଏହା ସ୍ପଷ୍ଟ କରିଛନ୍ତି। ପଶ୍ଚିମ ଭାଗରେ ଥିବା ଘୋର ପ୍ରଦେଶର ପ୍ରାଦେଶିକ ପରିଷଦର ମୁଖ୍ୟ ଫଜଲ ହକ ଏହସାନ କହିଛନ୍ତି ଯେ ତାଲିବାନ ମଧ୍ୟ ପ୍ରାଦେଶିକ ରାଜଧାନୀ ଫିରୋଜ କୋହ ଉପରେ ମଧ୍ୟ କବଜା କରିଛି। ଦେଶରେ ସୁରକ୍ଷା ସ୍ଥିତି ଦ୍ରୁତଗତିରେ ଭୁଶୁଡ଼ିଥିବା ବେଳେ ଆମେରିକା କାବୁଲରେ ଥିବା ଆମେରିକୀୟ ଦୂତାବାସରୁ କିଛି କର୍ମଚାରୀଙ୍କୁ ସ୍ବଦେଶ ପ୍ରତ୍ୟାବର୍ତ୍ତନ କରିବାରେ ସାହାଯ୍ୟ କରିବାକୁ ୩ ହଜାର ସେନା ପଠାଇବାକୁ ଯୋଜନା କରିଛି।
