ନୂଆଦିଲ୍ଲୀ: ଦେଶର ସବୁଠାରୁ ବଡ଼ ବିମାନ ସେବା ପ୍ରଦାନକାରୀ ସଂସ୍ଥା ଇଣ୍ଡିଗୋ ନୂଆ ସେବା ଆରମ୍ଭ କରିବାକୁ ଯାଉଛି । ଫଳରେ ବୋର୍ଡିଂ ସମୟରେ ହେଉଥିବା ସମସ୍ୟାରୁ ମୁକ୍ତି ପାଇବେ ଯାତ୍ରୀ । ବିମାନରେ ବୋର୍ଡିଂ ସମୟରେ ଯାତ୍ରୀମାନେ ଅନେକ ସମସ୍ୟାର ସମ୍ମୁଖିନ ହେଉଥିଲେ । ଲମ୍ବା ଧାଡ଼ିରେ ଛିଡ଼ା ହୋଇ ନିଜ ନମ୍ବରକୁ ଅପେକ୍ଷା କରୁଥିଲେ ଯାତ୍ରୀ । ତେବେ ଏହି ସମସ୍ୟାର ସମାଧାନ ପାଇଁ ଇଣ୍ଡିଗୋ ନୂଆ ସେବା ଆରମ୍ଭ କରିବାକୁ ଯାଉଛି । ଏହି ସେବା ଯାତ୍ରୀମାନେ ଅଫିସିଆଲ ଓ୍ୱେବସାଇଟ, ମୋବାଇଲ ଆପରୁ ଟିକେଟ ବୁକିଂ ସମୟରେ ନେଇ ପାରିବେ ବୋଲି ଇଣ୍ଡିଗୋ ଏକ ପ୍ରେସ ବିଜ୍ଞପ୍ତିରେ କହିଛି ।
ଏପରିକି ପ୍ରତିଟି ଉଡ଼ାଣରେ ୪୦୦ ଟଙ୍କା ଅଧିକ ଦେଇ ମାଇ ପୋର୍ଟାଲ ମାଧ୍ୟମରେ ବୁକିଂ ସମୟରେ ଏହି ସେବାକୁ ନେଇପାରିବେ ଯାତ୍ରୀ । ସୂଚନା ଯୋଗ୍ୟ ଦେଶର ସବୁଠାରୁ ବଡ଼ ବିମାନ ସେବା ପ୍ରଦାନକାରୀ ସଂସ୍ଥା ଇଣ୍ଡିଗୋ ପ୍ରାଥମିକ ପର୍ୟ୍ୟାୟରେ ଦେଶର ବଡ଼ ସହରକୁ ଉଡ଼ାଣ ଭରୁଥିବା ଯାତ୍ରୀଙ୍କୁ ଯୋଗାଇ ଦେବ । ପରେ ସମସ୍ତ ଘରୋଇ ଉଡ଼ାଣ ପାଇଁ ଲାଗୁ ହେବ ବୋଲି ସୂଚନା ରହିଛି । କମ୍ପାନୀ ପକ୍ଷରୁ କୁହାଯାଇଛି କି ପ୍ରଥମେ ଆସ- ପ୍ରଥମେ ପାଅ ସୁବିଧା ଆଧାରରେ ଏହି ସେବାକୁ ଯୋଗାଇ ଦିଆଯିବ । ତେବେ ଏହା ସୀମିତ ସଂଖ୍ୟା ଯାତ୍ରୀଙ୍କ ପାଇଁ ଉପଲବ୍ଧ ହେବ ।
