କୋରାପୁଟ (ଓଡ଼ିଶା ଓ୍ବେୟାର) ୩ ଦିନିଆ ଓଡ଼ିଶା ଗସ୍ତରେ ଅଛନ୍ତି କେନ୍ଦ୍ର ରେଳ ମନ୍ତ୍ରୀ ଅଶ୍ବିନୀ ବୈଷ୍ଣବ । ଶ୍ରୀ ବୈଷ୍ଣବ ବର୍ତ୍ତମାନ ଜନ ଆଶୀର୍ବାଦ କାର୍ୟ୍ୟକ୍ରମରେ ଜିଲ୍ଲା କୁ ଜିଲ୍ଲା ବୁଲୁଛନ୍ତି । ଏହି କ୍ରମରେ ଆଜି ଜୟପୁରରେ ସେ ରୋଡ୍ ସୋ କରିଛନ୍ତି । ବିଶାଳ କାର ଓ ବାଇକ୍ ରାଲି ବାହାରିଛି । ଅମ୍ବାଗୁଡା, ବୋରିଗୁମ୍ମା ଓ ଆଉଲିରେ ରୋଡ୍ ସୋ କାର୍ୟ୍ୟକ୍ରମ କରିଛନ୍ତି। ଏହା ପରେ ଉଭୟ ରୋଡ୍ ସୋ ଓ ସମ୍ବର୍ଦ୍ଧନା ସଭାରେ ଯୋଗଦେବାର କାର୍ୟ୍ୟକ୍ରମ ରହିଛି।
ପାପଡାହାଣ୍ଡି, ମଇଦଲପୁର, ଆମପାଣି, କୋକସା, ମୋଟେର. ଜୁନାଗଡ, ବନ୍ଦୁଆପାଳରେ ମଧ୍ୟ କାର୍ୟ୍ୟକ୍ରମ ରହିଛି । ଏହା ପରେ ଭବାନୀପାଟଣାରେ ମଧ୍ୟ ରୋଡ୍ ସୋ ଓ ସମ୍ବର୍ଦ୍ଧନା ସଭା ଅନୁଷ୍ଠିତ ହେବ । ପ୍ରଧାନମନ୍ତ୍ରୀ କିଷାନ ନିଧି, ଜନଧନ ଓ କୋଭିଡ୍ ଟିକାକରଣ ନେଇ ଭବାନୀପାଟଣା ସର୍କିଟ୍ ହାଉସରେ ଆଲୋଚନା କରାଯିବ । ଜନ ଆଶୀର୍ବାଦ କାର୍ୟ୍ୟକ୍ରମରେ ଲୋକଙ୍କ ପାଖରେ ପହଂଚୁଛନ୍ତି ଓ ମୋଦୀ ସରକାରଙ୍କର ଯୋଜନା ଓ ସଫଳତାକୁ ବଖାଣୁଛନ୍ତି ।
ସୂଚନାଯୋଗ୍ୟ ପ୍ରଧାନମନ୍ତ୍ରୀଙ୍କ ନିର୍ଦ୍ଦେଶରେ ସାଂସଦମାନେ ଜନ ଆଶୀର୍ବାଦ ଯାତ୍ରାରେ ଜିଲ୍ଲାକୁ ଜିଲ୍ଲା ବୁଲୁଛନ୍ତି । କେନ୍ଦ୍ର ସରକାରଙ୍କ ଯୋଜନା ଗୁଡିକ ବାବଦରେ ସୂଚନା ଦେଇ ମୋଦୀ ସରକାରଙ୍କୁ ଆଶୀର୍ବାଦ କରିବା ପାଇଁ ଲୋକଙ୍କ ପାଖକୁ ଯାଉଛନ୍ତି କେନ୍ଦ୍ରମନ୍ତ୍ରୀ । ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ ଏହି କ୍ରମରେ ତିନି ଦିନିଆ ଓଡିଶା ଗସ୍ତରେ ଆସି ରାଜ୍ୟର ବିଭିନ୍ନ ଜିଲ୍ଲା ଯାଇ ଜନ ଆଶୀର୍ବାଦ ନେଉଛନ୍ତି । ରେଳ ମନ୍ତ୍ରୀ କୋରାପୁଟ ଜିଲ୍ଲା ଗସ୍ତ ଅବସରରେ ଜିଲ୍ଲାର ସୌନ୍ଦର୍ୟ୍ୟକୁ ପ୍ରଶଂସା କରିଛନ୍ତି । ତା ସହିତ ରେଳ ସଂଯୋଗୀକରଣକୁ ଗୁରୁତ୍ୱ ଦିଆଯିବ ବୋଲି କହିଛନ୍ତି ମନ୍ତ୍ରୀ ।
