ବଲିଉଡ ସୁପର ଷ୍ଟାର ସଲମାନ ଖାନଙ୍କୁ ପୁଣି ଥରେ ହତ୍ୟା ଧମକ ଦିଆଯାଇଛି । ମୁମ୍ବାଇ ଟ୍ରାଫିକ ପୁଲିସ କଣ୍ଟ୍ରୋଲ ରୁମକୁ ଏନେଇ ଏକ ମେସେଜ ଆସିଛି । ୨ କୋଟି ଟଙ୍କା ଦାବି କରାଯାଇଛି । ଟଙ୍କା ନମିଳେ ସଲମାନଙ୍କୁ ହତ୍ୟା କରାଯିବ ବୋଲି ଧମକ ମିଳିଛି ।ମିଳିଥିବା ସୂଚନା ମୁତାବକ, ମଙ୍ଗଳବାର ସଲମାନଙ୍କୁ ଦୁଇ ଦୁଇଟି ହତ୍ୟା ଧମକ ମିଳିଛି ।
ମୁମ୍ବାଇ ଟ୍ରାଫିକ ପୁଲିସର କଣ୍ଟ୍ରୋଲ ରୁମକୁ ଏକ ମେସେଜ ଆସିଥିଲା । ୨ କୋଟି ଟଙ୍କା ନ ମିଳିଲେ ସଲମାନ ଖାନଙ୍କୁ ହତ୍ୟା କରାଯିବ ବୋଲି ଜଣେ ଅଧିକାରୀ କହିଛନ୍ତି । ଏ ନେଇ ୱର୍ଲି ଥାନାରେ ମାମଲା ରୁଜୁ ହୋଇଛି ଏବଂ ପୁଲିସ ଘଟଣାର ତଦନ୍ତ ଆରମ୍ଭ କରିଛି।ଗତକାଲି ସଲମାନ ଖାନ ଏବଂ ବାବା ସିଦ୍ଦିକିଙ୍କ ପୁଅ ଜିଶାନ ସିଦ୍ଦିକିଙ୍କୁ ଏକ ହତ୍ୟା ଧମକ ମିଳିଥିଲା । ଏଥିରେ ମଧ୍ୟ ଟଙ୍କା ଦେବାକୁ ଦାବି କରାଯାଇଥିଲା । ଏହି ମାମଲାରେ ଦିଲ୍ଲୀ ନଏଡାରୁ ମହମ୍ମଦ ତୈୟାବ ନାମକ ଜଣେ ବ୍ୟକ୍ତିକୁ ଗିରଫ କରାଯାଇଛି । ନଏଡାର ସେକ୍ଟର ୩୯ ଥାନା ଅଞ୍ଚଳରୁ ତାକୁ ଗିରଫ କରାଯାଇଛି । ଏହା ପୂର୍ବରୁ ମଧ୍ୟ ସଲମାନଙ୍କୁ ଲରେନ୍ସ ବିଷ୍ଣୋଇ ଗ୍ୟାଙ୍ଗର ସୁଟରମାନେ ହତ୍ୟା ଉଦ୍ୟମ କରିଛନ୍ତି । ତାଙ୍କ ଘର ଉପରକୁ ଗୁଳି ମାଡ଼ କରାଯାଇଛି । ସଲମାନଙ୍କ ବାପା ସଲିମଙ୍କୁ ମଧ୍ୟ ତାଙ୍କ ବାସଭବନ ସମ୍ମୁଖରେ ହତ୍ୟା ଧମକ ଦିଆଯାଇଛି ।
