ପ୍ୟାରିସ ଅଲିମ୍ପିକ୍ସ ୨୦୨୪ ରବିବାର ଶେଷ ହୋଇଛି । ୧୬ ଦିନ ଧରି ଚାଲିଥିବା ଖେଳ ମହାକୁମ୍ଭରେ ୨୦୬ ଦେଶ ୩୨ଟି ଖେଳରେ ମଇଦାନକୁ ଓହ୍ଲାଇଥିଲେ । ଆମେରିକା ୪୦ଟି ସ୍ୱର୍ଣ୍ଣ, ୪୪ଟି ରୌପ୍ୟ ଓ ୪୨ଟି ବ୍ରୋଞ୍ଜ ପଦକ ସହ ଆଗରେ ରହିଛି। ଅଲିମ୍ପିକ୍ସରେ ୧୦,୫୦୦ ଆଥଲେଟ ଭାଗ ନେଇଥିବା ବେଳେ ଭାରତର ୧୧୭ ଜଣ ଖେଳାଳୀ ସାମିଲ ହୋଇଥିଲେ। ଗୋଟିଏ ରୌପ୍ୟ ଓ ୫ଟି ବ୍ରୋଞ୍ଜ ପଦକ ଜିତି ଭାରତ ପଦକ ତାଲିକାରେ ୭୧ତମ ପ୍ରଥମ ସ୍ଥାନ ଅଧିକାର କରିଛି। ଚୀନ ୪୦ଟି ସ୍ୱର୍ଣ୍ଣ, ୨୭ଟି ରୌପ୍ୟ ଓ ୨୪ଟି ବ୍ରୋଞ୍ଜ ପଦକ ସହ ଦ୍ୱିତୀୟ ସ୍ଥାନରେ ରହିଛି।
ସେହିପରି ଜାପାନ ୨୦ଟି ସ୍ୱର୍ଣ୍ଣ, ୧୨ଟି ରୌପ୍ୟ ଓ ୧୩ଟି ବ୍ରୋଞ୍ଜ ପଦକ ସହ ତୃତୀୟ ସ୍ଥାନରେ ରହିଛି।ସେହିପରି ଉଦଯାପନୀ ସମାରୋହରେ ସୁଟର ମନୁ ଭାକର ଓ ହକି ଗୋଲକିପର ପି ଆର ଶ୍ରୀଜେଶ ଭାରତର ତ୍ରୀରଙ୍ଗା ଧରିଥିଲେ। ଶ୍ରୀଜେଶ ଲଗାତର ଅଲିମ୍ପିକରେ ଦୁଇ ଥର ବ୍ରୋଞ୍ଜ ପଦକ ଜିତି ଅନ୍ତରାଷ୍ଟ୍ରୀୟ ମ୍ୟାଚରୁ ଅବସର ନେଇଛନ୍ତି।ପ୍ୟାରିସର ଷ୍ଟେଡ ଡି ଫ୍ରାନ୍ସ ଷ୍ଟାଡିୟମରେ ଆୟୋଜିତ ସମାପନୀ ଉତ୍ସବରେ ପ୍ୟାରିସରେ ସର୍ବାଧିକ ସ୍ୱର୍ଣ୍ଣ ପଦକ ଜିତିଥିବା ଫ୍ରାନ୍ସର ସନ୍ତରଣକାରୀ ଲିଓନ୍ ମରଚାଣ୍ଡ ଅଲିମ୍ପିକ୍ସ ମଶାଲ ଧରି ଷ୍ଟାଡିୟମରେ ପହଞ୍ଚିଥିଲେ। ଏହାପରେ କାର୍ଯ୍ୟକ୍ରମ ଆରମ୍ଭ ହୋଇଥିଲା।ଶେଷରେ ଅଲିମ୍ପିକ୍ସ ପତାକା ୨୦୨୮ ଅଲିମ୍ପିକ୍ସର ଆୟୋଜନସ୍ଥଳ ଲସ୍ ଏଞ୍ଜେଲସ ମେୟରଙ୍କୁ ହସ୍ତାନ୍ତର କରାଯାଇଛି।
