ଭୁବନେଶ୍ୱର(ଓଡ଼ିଶା ୱେୟାର): ଓଡ଼ିଶାର ୩ ପ୍ରାର୍ଥୀ ରାଜ୍ୟସଭାକୁ ନିଦ୍ୱନ୍ଦ୍ୱରେ ନିର୍ବାଚିତ ହୋଇଛନ୍ତି। ଏହି ୩ ପ୍ରାର୍ଥୀଙ୍କ ବିରୁଦ୍ଧରେ କେହି ପ୍ରତିଦ୍ୱନ୍ଦ୍ୱିତା କରୁନଥିବାରୁ ଆଜି ପ୍ରାର୍ଥୀପତ୍ର ଯାଞ୍ଚ ପରେ ରାଜ୍ୟସଭା ରିଟର୍ଣ୍ଣିଂ ଅଫିସର ସେମାନଙ୍କୁ ବିଜୟୀ ଘୋଷଣା କରିଛନ୍ତି। ରାଜ୍ୟସଭାକୁ ୩ ସଦସ୍ୟ ର୍ନିଦ୍ୱନ୍ଦରେ ନିର୍ବାଚିତ ହୋଇଛନ୍ତି। ଏଥିରେ ବିଜେଡିର ୨ଜଣ ଓ ବିଜେପିର ଜଣେ ସଦସ୍ୟ ଅଛନ୍ତି। ବିଜେଡିରୁ ଅମର ପଟ୍ଟନାୟକ ୫ ବର୍ଷ ପାଇଁ ଓ ସସ୍ମିତ ପାତ୍ର ୩ ବର୍ଷ ପାଇଁ ରାଜ୍ୟସଭାକୁ ନିର୍ବାଚିତ ହୋଇଥିଲା ବେଳେ ବିଜେପିର ଅଶ୍ୱିନୀ ବୈଷ୍ଣବ ୫ ବର୍ଷ ପାଇଁ ନିର୍ବାଚିତ ହୋଇଛନ୍ତି। ଏମାନଙ୍କ ବିରୋଧରେ ଆଉ କେହି ପ୍ରାର୍ଥୀ ନ ଥିବାରୁ ଆଜି ପ୍ରତ୍ୟାହାର ସମୟ ଯିବା ପରେ ସେମାନଙ୍କୁ ନିର୍ବାଚିତ ହେଲେ ବୋଲି ଘୋଷଣା କରାଯାଇଛି। କେହି ପ୍ରାର୍ଥୀ ନ ଥିବାରୁ ଜୁଲାଇ ୫ ତାରିଖରେ ଆଉ ନିର୍ବାଚନ ହେବାର ଆବଶ୍ୟକ ପଡ଼ିବ ନାହିଁ। ସବୁ ସମାଲୋଚନା ସତ୍ୱେ ବିଜେଡି ଓ ବିଜେପି ମିଳିତ ଭାବେ ଅଶ୍ୱିନୀଙ୍କୁ ପ୍ରାର୍ଥୀତ୍ୱକୁ ସମର୍ଥନ କରିଥିଲେ।
