ଭୁବନେଶ୍ୱର (ଓଡ଼ିଶା ୱେୟାର) : ସପ୍ତାହେ ଧରି ରାଜ୍ୟରେ ୧୦ ହଜାର ଉପରେ ରହୁଛି ସଂକ୍ରମଣ । ସେପଟେ ଓମିକ୍ରନ କେସ୍ ଚିହ୍ନଟ ସଂଖ୍ୟା ବି ଚିନ୍ତା ବଢ଼ାଇଚାଲିଛି। ଏହାରି ଭିତରେ ସତର୍କ ରହିବାକୁ ମୁଖ୍ୟମନ୍ତ୍ରୀ ରାଜ୍ୟବାସୀଙ୍କୁ ନିବେଦନ କରିସାରିଛନ୍ତି । ସାରା ଦେଶରେ ଏବେ କୋଭିଡର ତୃତୀୟ ଲହର ଚାଲିଛି। ତେବେ ଓମିକ୍ରନ୍ ପାଇଁ ହିଁ ସଂକ୍ରମଣ ବୃଦ୍ଧି ପାଉଛି ବୋଲି କୁହାଯାଉଛି କିନ୍ତୁ ଲୋକମାନେ ଭୟ ନ କରି ମୁକାବିଲା କରିବାକୁ ବୁଧବାର ରାଜ୍ୟବାସୀଙ୍କୁ ସମ୍ବୋଧିତ କରି କହିଛନ୍ତି ମୁଖ୍ୟ ଶାସନ ସଚିବ । ସୁରେଶ ଚନ୍ଦ୍ର ମହାପାତ୍ର ମହାପାତ୍ର କହିଛନ୍ତି, ମଙ୍ଗଳବାର ମୁଖ୍ୟମନ୍ତ୍ରୀ କୋଭିଡ୍ ସ୍ଥିତିର ସମୀକ୍ଷା କରିଥିଲେ ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶକ୍ରମେ ମାତ୍ର ୭ ଦିନ ଭିତରେ ରାଜ୍ୟର ସମସ୍ତ କୋଭିଡ୍ ହସ୍ପିଟାଲକୁ ପ୍ରସ୍ତୁତ କରାଯାଇଛି କିନ୍ତୁ ମୋଟ ସଂକ୍ରମିତଙ୍କର ମାତ୍ର ୨ ପ୍ରତିଶତ କୋଭିଡ୍ ରୋଗୀ ହସ୍ପିଟାଲରେ ଭର୍ତ୍ତି ହେଉଛନ୍ତି । ରାଜ୍ୟର ହସ୍ପିଟାଲ ଗୁଡିକ ସମ୍ପୂର୍ଣ୍ଣ ପ୍ରସ୍ତୁତ ଥିବା ଏବଂ ଯଥେଷ୍ଟ ସଂଖ୍ୟକ ବେଡ ହସପିଟାଲରେ ଫାଙ୍କା ଥିବାରୁ କେହି ବି ଲୋକ ଭୟଭୀତ ହୁଅନ୍ତୁ ନାହିଁ ବୋଲି ମୁଖ୍ୟ ଶାସନ ସଚିବ ସୁରେଶ ମହାପାତ୍ର । ସେପଟେ ଲୋକମାନେ ଗହଳି ସ୍ଥାନକୁ ନ ଯିବାକୁ ପରାମର୍ଶ ଦେବା ସହ କୋଭିଡ୍ ଗାଇଡଲାଇନର ସଠିକ୍ ପାଳନ କରିବାକୁ କହିଛନ୍ତି ।
