ସହିଦନଗର ୱିନର କ୍ଳବରେ ବୋମାମାଡ଼ ଘଟଣାରେ ମୁଖ୍ୟ ଅଭିଯୁକ୍ତ କାହ୍ନା ଓରଫ ବିଶ୍ୱରଞ୍ଜନ ବିଶ୍ଵାଳ ସମେତ ଦୁଇଜଣ ଅଟକ । ଅନ୍ୟ ସହଯୋଗୀ ମାନଙ୍କୁ ଚିହ୍ନଟ କରିଛି ପୋଲିସ । ସେମାନଙ୍କୁ ଖୁବ ଶୀଘ୍ର ଧରିବା ପାଇଁ ଆରମ୍ଭ କରିଛି ତନାଘନା । ସିସିଟିଭି ଫୁଟେଜ ଯାଞ୍ଚ କରୁଛି ପୋଲିସ । ବୋମାମାଡ଼ର ଭିଜୁଆଲ ସିସିଟିଭିରେ କଏଦ ହୋଇଛି । ଗତକାଲି ରାତିରେ ସହିଦନଗର ୱିନର କ୍ଲବରେ ବୋମାମାଡ଼ ସହ ଗାଡ଼ି ଭଙ୍ଗାରୁଜା ହୋଇଥିଲା । ବୋମା ମାଡ଼ରେ କାର୍ ଓ ଗୋଟିଏ ବାଇକ ନଷ୍ଟ ହୋଇଛି । ଗୁରୁବାର ଦୁଇ ଗୋଷ୍ଠୀ ମଧ୍ୟରେ ହଣାହଣି ପରେ ଗତକାଲି ବୋମାମାଡ଼ ହୋଇଛି ।
ସୂଚନା ଅନୁସାରେ, ଗୁରୁବାର ସହିଦ ନଗର ଓ୍ଵିନର କ୍ଳବର କିଛି ଯୁବକ ସହିଦନଗର ଚାନ୍ଦିଭଣ୍ଡାର ପାଖରେ ଛିଡା ହୋଇ ଧୂମପାନ କରୁଥିବା ବେଳେ ଗୋଶାଳାର କିଛି ଯୁବକ ଆସି କମେଣ୍ଟ କରିଥିଲେ । ଏହାକୁ ନେଇ ଉତ୍ତେଜନା ବଢ଼ିଥିଲା । ୧୦ ରୁ ୧୫ ଯୁବକ ଆସି ଆକ୍ରମଣ କରିଥିବା କରିଥିଲେ । ଏଥିରେ ଜଣେ ଗୁରୁତର ଆହତ ହୋଇଥିଲେ। ସହିଦ ନଗର ଥାନାରେ ମାମଲା ଦାୟର ହୋଇଥିଲା । ଗତକାଲି ପୁଣି ଥରେ ସେହି ଗୋଷ୍ଠୀ ବାଇକରେ ଆସି ଓ୍ଵିନର କ୍ଲବ ବାହାରେ ବୋମା ପକାଇବା ସହ ଗାଡି ଭଙ୍ଗା ରୁଜା କରିଥିବା ଅଭିଯୋଗ ହୋଇଛି । ୩୦ ରୁ ୪୦ ଦୁର୍ବୃତ୍ତ ଆସି ମୋମାମାଡ଼ କରିଥିବା ଅଭିଯୋଗ ହୋଇଛି । ସହିଦନଗର ଥାନା ପୋଲିସ ଘଟଣାର ତଦନ୍ତ କରୁଛି । ସିସି ଟିଭି ଫୁଟେଜ ଆଧାରରେ କରୁଛି ତଦନ୍ତ ।
