ନୂଆଦିଲ୍ଲୀ: ପ୍ରାୟ ୪ ଦଶନ୍ଧିର ଅପେକ୍ଷା ପରେ ଅଲିମ୍ପିକରେ ଇତିହାସ ରଚିଛି ଭାରତୀୟ ହକି ଦଳ । ଟୋକିଓ ଅଲିମ୍ପିକରେ କ୍ବାର୍ଟର ଫାଇନାଲ ମୁକାବିଲାରେ ଐତିହାସିକ ବିଜୟ ହାସଲ କରି ସେମିଫାଇନାରେ ପ୍ରବେଶ କରିଛି ଦଳ। କ୍ବାର୍ଟର ଫାଇନାଲ ମ୍ୟାଚରେ ଭାରତୀୟ ମହିଳା ଦଳ ଅଷ୍ଟ୍ରେଲିଆ ବିପକ୍ଷରେ ଏହି ଐତିହାସିକ ବିଜୟ ହାସଲ କରିଛି ।
ଖେଳାଯାଇଥିବା ମ୍ୟାଚରେ ଭାରତର ଗୁରଜିତ କୌର ଏକମାତ୍ର ଗୋଲ କରିଥିଲେ । ମାତ୍ର ଭାରତୀୟ ଦଳର ଏହି କଡ଼ା ରଣନୀତି ଆଗରେ ଶକ୍ତିଶାଳୀ ଅଷ୍ଟ୍ରେଲିଆ ଦଳ ବେଶ ଚାପରେ ରହିଥିଲା । ଫଳରେ ଏହି ଗୋଲକୁ ପରିଶୋଧ କରିବାରେ ବିଫଳ ହୋଇଥିଲା କଂଗାରୁ ଦଳ ।
ଖେଳ ଆରମ୍ଭରୁ ହିଁ ଭାରତୀୟ ଦଳ ଅଷ୍ଟ୍ରେଲିଆ ଉପରେ ଭାରି ପଡ଼ିଥିଲେ । ଆରମ୍ଭରୁ ଭାରତୀୟ ଦଳର ଆକ୍ରମଣାତ୍ମକ ପ୍ରଦର୍ଶନ ଫଳରେ ଅଷ୍ଟ୍ରେଲିଆ ଚାପରେ ରହିଥିଲା । ଫଳରେ ଗୋଲ କରିବାକୁ ପ୍ରୟାସ ଜାରି ରଖିଥିବା ଅଷ୍ଟ୍ରେଲିଆ ଦଳ ଖେଳ ଶେଷ ପର୍ୟ୍ୟନ୍ତ ନିରାଶ ହୋଇଥିଲା ।
