ଭୁବନେଶ୍ୱର(ଓଡ଼ିଶା ୱେୟାର ):ବିଧାନସଭାର ବଜେଟ ଅଧିବେଶନ ଆଜିଠୁ ଆରମ୍ଭ ହୋଇଛି। ପ୍ରଥମ ଦିନରେ ରାଜ୍ୟପାଳ ପ୍ରଫେସର ଗଣେଶୀଲାଲଙ୍କ ଅଭିଭାଷଣ ଓ ଦିବଂଗତ ସଦସ୍ୟଙ୍କ ଶୋକ ପ୍ରସ୍ତାବ ପରେ ଗୃହ କାର୍ଯ୍ୟକୁ ଆସନ୍ତାକାଲି ପର୍ଯ୍ୟନ୍ତ ମୁଲତବୀ ରଖାଯାଇଛି। ବିଧାନସଭାର ବଜେଟ୍ ଅଧିବେଶନ ଅଗଷ୍ଟ ୮ ତାରିଖ ପର୍ଯ୍ୟନ୍ତ ଚାଲିବ। ପ୍ରଥମ ପର୍ଯ୍ୟାୟ ଜୁନ୍ ୨୫ରୁ ଜୁଲାଇ ୨ ତାରିଖ ଏବଂ ଦ୍ବିତୀୟ ପର୍ଯ୍ୟାୟ ଜୁଲାଇ ୧୨ ତାରିଖରୁ ଅଗଷ୍ଟ ୮ ତାରିଖ ପର୍ଯ୍ୟନ୍ତ ଚାଲିବ।
ଅଧିବେଶନ ଆରମ୍ଭ ପୂର୍ବରୁ ରାଜ୍ୟପାଳ ପ୍ରଫେସର ଗଣେଶୀଲାଲଙ୍କୁ ବିଧାନସଭା ପରିସରରେ ଗାର୍ଡ ଅଫ୍ ଅନର ଦିଆଯାଇଛି । ପ୍ରଥମ ଦିନରେ ରାଜ୍ୟପାଳଙ୍କ ଉଦବୋଧନରୁ ଗୃହକାର୍ଯ୍ୟ ଆରମ୍ଭ ହୋଇଛି। ରାଜ୍ୟପାଳ ଦିବଂଗତ ପୂର୍ବତନ ସାଂସଦ, ବିଧାୟକ ଓ ସହିଦ ଯବାନଙ୍କ ପାଇଁ ଶୋକ ପ୍ରକାଶ କରିଛନ୍ତି। ବିଧାନସଭାରେ ରାଜ୍ୟପାଳ ନିଜର ଅଭିଭାଷଣ ରଖି କହିଛନ୍ତି ଫୋନିର ଭୟାବହତା ଓ କ୍ଷୟକ୍ଷତି ଜଣାଇଲେ ରାଜ୍ୟପାଳ। ଲୋକଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର ପାଇଁ ସରକାରଙ୍କୁ କଲେ ପ୍ରଶଂସା। ଫୋନିର ସଫଳ ମୁକାବିଲା ନେଇ ସରକାରଙ୍କୁ ସବାସୀ ଦେଲେ। ମୋ ସରକାରଙ୍କୁ ପଞ୍ଚମ ଥର ପାଇଁ ବହୁମତ ମିଳିଛି। ମିଶନ ଶକ୍ତି ପାଇଁ ସରକାରଙ୍କୁ ଉଦ୍ୟମକୁ କଲେ ପ୍ରଶଂସା। ମିଶନ ଶକ୍ତି ଯୋଜନାରେ ମହିଳାଙ୍କୁ ସୁଧରେ ମିଳୁଛି ଋଣ। ମିଶନ ଶକ୍ତି ମହିଳା ଗୋଷ୍ଠୀକୁ ୫ହଜାର କୋଟିର ଆର୍ଥିକ ସହାୟତା ପ୍ରଦାନ କରାଯାଇଛି। କାଳିଆ ଯୋଜନାରେ ଚାଷୀଙ୍କୁ ମିଳିଛି ସହାୟତା। କାଳିଆ ଯୋଜନାରେ ଭୂମିହୀନ ଓ ଭାଗଚାଷୀଙ୍କୁ ସାମିଲ କରାଯାଇଛି।
ରାଜ୍ୟପାଳ କହିଛନ୍ତି କି, ମୋ ସରକାରକୁ କ୍ରମାଗତ ପଞ୍ଚମ ଥର ପାଇଁ ପ୍ରଚଣ୍ଡ ଜନମତ ମିଳିଛି। ଲୋକଙ୍କ ଭରସା ଓ ବିଶ୍ୱାସକୁ ବଜାୟ ରଖିବା ପାଇଁ ଆମେ ସଂକଳ୍ପବଦ୍ଧ। ନିର୍ବାଚନ ପୂର୍ବରୁ ପ୍ରଥମ ଦିନରୁ ଏନେଇ ପ୍ରଚେଷ୍ଟା କରାଯାଉଛି। ସରକାର ଗଠନର ପ୍ରଥମ ଦିନରୁ ଏନେଇ କାର୍ଯ୍ୟ ଆରମ୍ଭ ହୋଇ ଗଲାଣି। କାଳିଆ ଯୋଜନାରେ ଭୂମିହୀନ, ଭଗଚାଷୀଙ୍କୁ ସାମିଲ କରାଯାଇଛି । କୃଷି ବିକାଶ ଓ କୃଷି ସଶକ୍ତିକରଣ ହେଉଛି ମୂଳ ଲକ୍ଷ୍ୟ ରହିଛି। ମେକ୍ ଇନ ଇଣ୍ଡିଆରେ ୩୦ ଲକ୍ଷ ନିଯୁକ୍ତି ସୃଷ୍ଟି କରିବା ପାଇଁ ସରକାର ଉଦ୍ୟମ କରୁଛନ୍ତି। ସବୁ ସ୍ଥାନରେ ଆହାର କେନ୍ଦ୍ର ଆରମ୍ଭ କରିବା ସହ ରାତ୍ରୀରେ କିଭଳି ଭାବରେ ଖାଦ୍ୟ ଯୋଗାଇ ଦିଆଯାଇ ପାରିବ ସେ ନେଇ ଚେଷ୍ଟା କରାଯାଉଛି।
