ବିହାର ମୁଖ୍ୟମନ୍ତ୍ରୀ ନୀତୀଶ କୁମାରଙ୍କ ଖରାପ ହେଲା ସ୍ୱାସ୍ଥ୍ୟାବସ୍ଥା । ତାଙ୍କୁ ପାଟନା ସ୍ଥିତ ଏକ ହସ୍ପିଟାଲରେ ଭର୍ତ୍ତି କରାଯାଇଛି । ଶନିବାର ସକାଳୁ ସେ ତାଙ୍କ ବାମ ହାତରେ ଯନ୍ତ୍ରଣା ଅନୁଭବ କରିଥିଲେ । ଏହାପରେ ତାଙ୍କୁ ହସ୍ପିଟାଲକୁ ନିଆଯାଇଛି । ଅର୍ଥୋପେଡିକ୍ ବିଭାଗରେ ତାଙ୍କର ଚିକିତ୍ସା ଚାଲିଛି ।
ଜୁନ ୨୯ରେ ଜନତା ଦଳ ୟୁନାଇଟେଡର ବାର୍ଷିକ କାର୍ଯ୍ୟକାରିଣୀ ବୈଠକ ଅନୁଷ୍ଠିତ ହେବ । ଲୋକସଭା ନିର୍ବାଚନ ପ୍ରଚାର ଅବସରରେ ମଧ୍ୟ ସେ ଅସୁସ୍ଥ ହୋଇ ପଡିଥିଲେ । ଗତ ଲୋକସଭା ନିର୍ବାଚନରେ ନୀତୀଶ କୁମାରଙ୍କ ଦଳ ଜନତା ଦଳ ୟୁନାଇଟେଡ (ଜେଡିୟୁ) ଭଲ ପ୍ରଦର୍ଶନ କରିଥିଲା । ଯେଉଁଠାରେ ଦଳ ୧୨ ଟି ଆସନ ଜିତିଥିଲା ।
ଲୋକସଭାରେ ଏନଡିଏ ମିଳିତ ସରକାର ଗଠନ ହେବା ପରେ ନୀତୀଶ କେନ୍ଦ୍ରରେ ନିଜର ଶକ୍ତି ବୃଦ୍ଧି କରିଛନ୍ତି । ଏଥି ସହ ମୋଦୀ କ୍ୟାବିନେଟରେ ଜେଡିୟୁ କୋଟାରୁ ଦୁଇଜଣ ମନ୍ତ୍ରୀ ପ୍ରସ୍ତୁତ ହୋଇଛନ୍ତି । ଜେଡିୟୁର ର ଜାତୀୟ କାର୍ଯ୍ୟନିର୍ବାହୀ ବୈଠକ ୨୯ ଜୁନ୍ ରେ ଅନୁଷ୍ଠିତ ହେବ । ଅନ୍ୟପେଟ ଶୁକ୍ରବାର ଏକ ବୈଠକରେ ବେକାରୀ ସମସ୍ୟା ନେଇ ସେ ଆଲୋଚନା କରିଥିଲେ । ଖୁବ ଶୀଘ୍ର ଏହି ସମସ୍ୟାର ସମାଧାନ କରାଯିବ ବୋଲି ସେ ଆଶ୍ୱସନା ଦେଇଛନ୍ତି ।
