ଲକ୍ଷ୍ନୌ: କଂଗ୍ରେସର ସାଧାରଣ ସମ୍ପାଦକ ପ୍ରିୟଙ୍କା ଗାନ୍ଧୀଙ୍କୁ ଗିରଫ କରିଛି ଉତ୍ତରପ୍ରଦେଶ ପୋଲିସ। ୧୪୪ ଧାର ଉଲ୍ଲଂଘନ ଓ ଶାନ୍ତି ଭଙ୍ଗ କରିବା ନେଇ ପ୍ରିୟଙ୍କା ଗାନ୍ଧୀଙ୍କ ବିରୋଧରେ ପୋଲିସ ଧାରା ଲଗାଇ ମାମଲା ରୁଜୁ କରିଛି। ତାଙ୍କୁ ଆଜି ମାଜିଷ୍ଟ୍ରେଟ ସାମ୍ନାରେ ହାଜର କରାଯିବ। ୟୁପି ପୋଲିସ ପ୍ରିୟଙ୍କାଙ୍କ ବ୍ୟତୀତ ଦିପେନ୍ଦ୍ର ହୁଡ୍ଡା, ଅଜୟ ଉଲ୍ଲୁଙ୍କ ସହିତ ସାତ ଜଣଙ୍କୁ ଗିରଫ କରିଥିବା ଜଣାପଡ଼ିଛି। ଏମାନଙ୍କ ଉପରେ ମଧ୍ୟ ଶାନ୍ତି ଭଙ୍ଗ ଓ ୧୪୪ ଧାରା ଉଲ୍ଲଂଘନ ଅଭିଯୋଗ କରିଛି ପୁଲିସ।
ସୂଚନାଯୋଗ୍ୟ ଲଖିମପୁର ଖେରି ହିଂସାକୁ ମୃତକଙ୍କ ପରିବାରକୁ ଭେଟିବାକୁ ଯାଉଥିଲେ ପ୍ରିୟଙ୍କା। ମାତ୍ର ସୀତାପୁର ଠାରେ ତାଙ୍କୁ ପୁଲିସ ଅଟକାଇଥିଲା। ତେବେ ୩୬ ଘଣ୍ଟା ଅଟକ ରଖିବା ପରେ ତାଙ୍କୁ ଆଜି ଗିରଫ କରିଛି। ପ୍ରିୟଙ୍କାଙ୍କୁ ସୀତାପୁରର ଗେଷ୍ଟ ହାଉସରେ ରଖାଯାଇଛି। କିଛି ସମୟ ପୂର୍ବରୁ ଜେଲରେ ପ୍ରିୟଙ୍କା ଗାନ୍ଧୀ ତାଙ୍କ କୋଠରୀ ସଫା କରୁଥିବାର ଏକ ଭିଡ଼ିଓ ସୋସିଆଲ ମିଡ଼ିଆରେ ଭାଇରାଲ ହୋଇଥିଲା। କୁହାଯାଉଛି ଯେ ପ୍ରିୟଙ୍କା ଗାନ୍ଧୀଙ୍କୁ କେଉଁଠାରେ ରଖାଯାଇଥିଲା, ସେଠାରେ ଡ୍ରୋନ୍ ସାହାଯ୍ୟରେ ନଜର ରଖାଯାଇଥିଲା। ପ୍ରିୟଙ୍କାଙ୍କୁ ଯେଉଁ ଗେଷ୍ଟ ହାଉସରେ ରଖାଯାଇଛି, ତାହାର ଏକ ଭିଡ଼ିଓ ସାମ୍ନାକୁ ଆସିଛି।
ସେହିପରି ଛତିଶଗଡ଼ ମୁଖ୍ୟମନ୍ତ୍ରୀ ଭୁପେଶ ବଘେଲଙ୍କ ବିମାନକୁ ମଙ୍ଗଳବାର ସକାଳୁ ଲକ୍ଷ୍ନୌ ବିମାନ ବନ୍ଦରରେ ଅବତରଣ ପାଇଁ ଅନୁମତି ମିଳିନଥିଲା। ଲକ୍ଷ୍ନୌରେ ଏକ ସାମ୍ବାଦିକ ସମ୍ମିଳନୀରେ ଯୋଗ ଦେଇଥାନ୍ତେ ବଘେଲ। ଶ୍ରୀ ବଘେଲ ଟ୍ବିଟ କରି ଲେଖିଛନ୍ତି କି ବିନା କୌଣସି ଅନୁମତିରେ ଲକ୍ଷ୍ନୌ ବିମାନବନ୍ଦରରୁ ବାହାରକୁ ଯିବାରେ ରୋକାଯାଉଛି। ଫଟୋରେ ବଘେଲ ଧଳା କୁର୍ତ୍ତା ପାଇଜାମା ପିନ୍ଧିଥିବା ଦେଖିବାକୁ ମିଳିଛି। ତେବେ ଶେଷ ରିପୋର୍ଟ ମୁତାବକ ବଘେଲ ବିମାନବନ୍ଦରରେ ଧାରଣା ଦେଇଥିବା ଦେଖିବାକୁ ମିଳିଛି।
ସେପଟେ କଂଗ୍ରେସର ବରିଷ୍ଠ ନେତା ପି. ଚିଦାମ୍ବରମ କଂଗ୍ରେସର ମହାସଚିବ ପ୍ରିୟଙ୍କା ଗାନ୍ଧୀ ଭଦ୍ରାଙ୍କ ଗିରଫଦାରୀକୁ ସମ୍ପୂର୍ଣ୍ଣ ଭାବେ ବେଆଇନ କହିଛନ୍ତି। ସେ ମଙ୍ଗଳବାର କହିଛନ୍ତି କି ଏଥିରୁ ପ୍ରମାଣିତ ହେଉଛି କି ଉତ୍ତରପ୍ରଦେଶରେ କାନୁନୀ ନାଁରେ କୌଣସି ଶାସନ ନାହିଁ। ସେ ଅଭିଯୋଗ କରିଛନ୍ତି କି ୟୁପି ପୋଲିସ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ କାନୁନ ଓ ଆଦେଶ ପାଳନ କରୁଥିବା ଦେଖିବାକୁ ମିଳିଛି।
