ଭୁବନେଶ୍ୱର: ଓଡିଶା ପ୍ରଦେଶ କଂଗ୍ରେସ କମିଟି ତରଫରୁ ଭୟଙ୍କର ରୂପ ନେଉଥିବା ତିତଲିକୁ ଆଖି ଆଗରେ ରଖି ବୁଧବାର ସନ୍ଧ୍ୟା ୭ଘଟିକା ଠାରୁ ୭ଦିନ ପର୍ୟ୍ୟନ୍ତ ୨୪ ଘଂଟିଆ ‘ଜରୁରୀକାଳୀନ ସେବା ପ୍ରକୋଷ୍ଠ’ ଖୋଲାଯାଇଛି ବୋଲି ପିସିସି ଅଧ୍ୟକ୍ଷ ନିରଞ୍ଜନ ପଟ୍ଟନାୟକ ସୂଚନା ଦେଇଛନ୍ତି ।
ଉକ୍ତ ପ୍ରକୋଷ୍ଠ ଦାୟିତ୍ୱରେ ପିସିସିସାଧାରଣ ସଂପାଦକ ଜାନକୀବଲ୍ଲଭ ପଟ୍ଟନାୟକଙ୍କୁ ସଂଯୋଜକ ରୂପେ ଅବସ୍ଥାପିତ କରାଯାଇଥିବା ବେଳେ ପ୍ରଦେଶ କଂଗ୍ରେସ କମିଟିର ସଂପାଦକଦ୍ୱୟ ପଦ୍ମାକର ଗୁରୁ, ରସିକ ପଟ୍ଟନାୟକ ଓ କଂଗ୍ରେସ ନେତା ରବିନ୍ଦ୍ର ଆଚାର୍ଯ୍ୟୟ୍ୟ, ଅଲେଖ ସାମଲ, ମାନସ ଆଚାର୍ଯ୍ୟ ଓ ଲିଙ୍ଗରାଜ ସାହୁଙ୍କୁ ସହ ସଂଯୋଜକ ରୂପେ ଦାୟିତ୍ୱ ନିର୍ବାହ କରିବେ । ବାତ୍ୟା ତିତଲି’ ଦ୍ୱାରା ପ୍ରଭାବିତ ଜନସାଧାରଣମାନେ କଂଗ୍ରେସ ଦଳ ତରଫରୁ ଖୋଲାଯାଇଥିବା ଜରୁରୀ କାଳୀନ ସେବା ପ୍ରକୋଷ୍ଠର ନିମ୍ନଲିଖିତ ମୋବାଇଲ ନମ୍ବର ସେମାନଙ୍କର ଆପତି,ଅଭିଯୋଗ ଓ ବହୁମୂଲ୍ୟ ପରାମର୍ଶ ଉପରୋକ୍ତ ବ୍ୟକ୍ତି ବିଶେଷଙ୍କୁ ଦେଇପାରିବେ । ଯୋଗାଯୋଗ ନମ୍ବର- ୭୬୦୯୮୫୨୧୩୧, ୮୮୯୫୨୦୩୦୦୧, ୯୮୬୧୦୧୧୯୬୨, ୭୦୦୮୭୯୯୩୬୪, ୯୩୪୮୧୬୧୬୩୩, ୮୮୪୭୮୫୮୦୨୦, ୯୯୩୭୯୪୮୮୬୮, ୯୨୩୭୦୧୦୯୩୯. ଆପଣମାନଙ୍କର ଆପତି, ଅଭିଯୋଗ ଓ ପରାମର୍ଶକୁ ଆଧାରକରି କଂଗ୍ରେସ ଦଳ ସମସ୍ୟାର ନିରାକରଣ ଲାଗି ଯଥା ସମ୍ଭବ ସହଯୋଗ ଜାରୀ ରଖିବ ବୋଲି ସେ ସୂଚନା ଦେଇଛନ୍ତି ।
