ଲାହୋର: ରବିବାର ପାକିସ୍ତାନରେ ଦେଖିବାକୁ ମିଳିଥିଲା ହାଇଡ୍ରାମା । କେବଳ ରାଜଧାନୀ ଇସଲାମାବାଦରେ ରାଜନୈତିକ କାର୍ଯ୍ୟକଳାପ ନୁହେଁ, ସୁବା-ଇ-ପଞ୍ଜାବରେ ମଧ୍ୟ ରାଜନୈତିକ ନାଟକ ଦେଖିବାକୁ ମିଳିଥିଲା । ରବିବାର ଦିନ ପଞ୍ଜାବ ପ୍ରଦେଶର ବିଧାନସଭାରେ ମହିଳା ବିଧାୟକମାନେ ପରସ୍ପର ସହ ହାତାହାତି ହେଉଥିବା ଦେଖିବାକୁ ମିଳିଥିଲା ।
ଏହାର ଭିଡିଓ ସୋସିଆଲ ମିଡିଆରେ ବହୁଳ ଭାବରେ ସେୟାର କରାଯାଉଛି । ଡନ୍ ନ୍ୟୁଜ୍ ଦ୍ୱାରା ଅଂଶୀଦାର ହୋଇଥିବା ଏହି ଭିଡିଓରେ ଦେଖିବାକୁ ମିଳିଛି ମହିଳାମାନେ ପରସ୍ପର ସହ ଝଗଡା କରୁଥିବା ଦେଖିବାକୁ ମିଳୁଛି । ସୂଚନା ଥାଉକି, ପଞ୍ଜାବ ହେଉଛି ପାକିସ୍ତାନର ସବୁଠାରୁ ଗୁରୁତ୍ୱପୂର୍ଣ୍ଣ ଅଂଶ । ରବିବାର ଦିନ ଇସଲାମାବାଦରେ ପାକିସ୍ତାନ ସଂସଦର ପ୍ରକ୍ରିୟା ଆରମ୍ଭ ହେବା ପୂର୍ବରୁ ମଧ୍ୟ ଇମ୍ରାନ ଖାନ ପଞ୍ଜାବର ରାଜ୍ୟପାଳଙ୍କୁ ନିନ୍ଦା କରିଥିଲେ ।
ଏହାପୂର୍ବରୁ ସେଠାରେ ସିଏମ ଉସମାନ ବୁଜଦାର ଇସ୍ତଫା ଦେଇଥିଲେ। ରବିବାର ଦିନ ଗୃହର ନୂତନ ନେତା ତଥା ମୁଖ୍ୟମନ୍ତ୍ରୀ ଚୟନ କରିବାକୁ ପଞ୍ଜାବ ବିଧାନସଭା ଅଧିବେଶନ ଡକାଯାଇଥିଲା । କିନ୍ତୁ ଜାତୀୟ ବିଧାନସଭା ପରି ପଞ୍ଜାବ ବିଧାନସଭାର ପ୍ରକ୍ରିୟା ମଧ୍ୟ ଭୋଟ୍ ନ ଦେଇ ଏପ୍ରିଲ ୬ ପର୍ଯ୍ୟନ୍ତ ସ୍ଥଗିତ ରଖାଯାଇଛି । ତେବେ ଅଧିବେଶନ ସ୍ଥଗିତ ହେବା ପରେ ସରକାର ଏବଂ ବିରୋଧୀ ଦଳର ମହିଳା ବିଧାୟକଙ୍କ ମଧ୍ୟରେ ସଂଘର୍ଷ ହୋଇଥିଲା । ଏମିତିକି ନିଜ ନିଜ ମଧ୍ୟରେ ପେଲାଠେଲା ହୋଇଥିଲା । ଏହି ଭିଡିଓରେ ଶାସକ ଦଳର ମହିଳା ବିଧାୟକ ଏବଂ ବିରୋଧୀ ମୁହାଁମୁହିଁ ହୋଇଛନ୍ତି । ପରସ୍ପରକୁ ଠେଲି ଦେଉଥିବାର ଦେଖାଯାଉଛି । ଏହାର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି ।
