ଘରର ଛୋଟମୋଟ ଭୋଜିରେ ଆପଣ ନିଶ୍ଚିତ ରୂପେ ପୁରୀ ପ୍ରସ୍ତୁତ କରୁଥିବେ । ଏମିତିରେ ଘରେ ବି ବନେଇ ଖାଉଥିବେ । କିନ୍ତୁ କେବେ ଘରେ “ସ୍ଵିଟ ପଟାଟୋ ମସଲା ପୁରି” ତିଆରି କରିଛନ୍ତିକି । ଏହାର ବିଶେଷତ୍ୱ ହେଉଛି ଏହାକୁ ଖାଲି ଆଳୁ ନୁହେଁ ବରଂ ସ୍ଵିଟ ପଟାଟୋ ବ୍ୟବହାର କରାଯାଇଛି । ଏହି ରେସିପିଟି ଖୁବ ସରଳ ଓ ଏହାକୁ ଖୁବ ସହଜରେ ପ୍ରସ୍ତୁତ କରାଯାଇପାରିବ । ଆସନ୍ତୁ ଜାଣିବା ଏହାର ପ୍ରସ୍ତୁତି ପ୍ରଣାଳୀ:
ଆବଶ୍ୟକ ହେଉଥିବା ସାମଗ୍ରୀ:
ଗୋଟେ ଚାମଚ ଗରମ ମସଲା
ଗୋଟେ ଚାମଚ ଲେମ୍ବୁ ରସ
ଆବଶ୍ୟକ ଅନୁଯାୟୀ ଲୁଣ
ଦରକାର ଅନୁଯାୟୀ ପାଣି
ଛାଣିବା ପାଇଁ ତେଲ
ପ୍ରସ୍ତୁତି ପ୍ରଣାଳୀ:
ପ୍ରଥମେ କନ୍ଦମୂଳକୁ ମାଇକ୍ରୋୱେବ କିମ୍ବା ଚୁଲାରେ ପାଣି ଦେଇ ସିଝାଇ ଦିଅନ୍ତୁ । ଏବେ ଏହାର ଚୋପାକୁ ଛଡ଼ାଇ ଭଲ ଭାବରେ ଚକଟି ଦିଅନ୍ତୁ । ଲକ୍ଷ ରଖିବେ ଯେମିତି କୌଣସି ବିଣ୍ଡା ନ ବାନ୍ଧିଯିବ । ଏବେ ଏକ ବାଉଲରେ ମଇଦା ଓ ଲୁଣ ସହ ପାଣି ଦେଇ ଚକଟି ଦିଅନ୍ତୁ । କିଛି କସ୍ତୁରୀ ମେଥିକୁ ହାତ ପାପୁଲିରେ ରଗଡିକି ସେଥିରେ ପକାନ୍ତୁ । ଚାହିଁଲେ ସେଥିରେ କିଛି ଜୁଆଣି ବି ଦେଇପାରିବେ । ଏବେ ସେଥିରେ ଲଙ୍କା ଗୁଣ୍ଡ, ହଳଦୀ ଗୁଣ୍ଡ, ଗରମ ମସଲା, ଲେମ୍ବୁ ରସ ଆଦି ଦେଇ ଭଲ ଭାବରେ ମିଶାନ୍ତୁ । ଏବେ ସେଥିରେ ଆଳୁ ଚକଟା ଓ ତେଲ ଦେଇ ଚକଟି ଦିଅନ୍ତୁ । ହାତକୁ ଶୁଖା ଶୁଖା ଲାଗୁଥିଲେ ଅଳ୍ପ ପାଣି ଦିଅନ୍ତୁ । ଏବେ ଏକ ଓଦା କପଡା ଘୋଡାଇ ରଖି ଦିଅନ୍ତୁ । ଏବେ ଅନ୍ୟ ଏକ କଡେଇରେ ତେଲ ଦେଇ ବସାଇ ଦିଅନ୍ତୁ । ପୂର୍ବରୁ ରଖାଯାଇଥିବା ଚକଟାର ଗୁଳା ପ୍ରସ୍ତୁତ କରି ପୁରି ଆକାରର ବେଲି ଦିଅନ୍ତୁ । ଏବେ ତେଲରେ ପୁରି ଗୁଡିକୁ ଦେଇ ଛାଣି ଦିଅନ୍ତୁ । ଏହାକୁ ଆପଣ କୌଣସି ବି ତରକାରୀ ସହ ଖାଇପାରିବେ ।
