ବୌଦ୍ଧ,(ଓଡ଼ିଶା ୱେୟାର) : ଟ୍ରକ୍ ଧକ୍କାରେ ଆଖି ବୁଜିଲେ ବାଇକ୍ ଆରୋହୀ। ଗାଁକୁ ଫେରୁଥିବା ବେଳେ ଘଟିଲା ଦୁର୍ଘଟଣା। ଘରେ ପହଞ୍ଚିବା ପୂର୍ବରୁ ଚାଲିଗଲା ଜୀବନ । ଏପରି ଶୋଚନୀୟ ଦୁର୍ଘଟଣା ଗତକାଲି ବୌଦ୍ଧ ଜିଲା ପୁରୁଣାକଟକ ଥାନା ଅନ୍ତର୍ଗତ ହରେକୃଷ୍ନପୁର ଗ୍ରାମ ନିକଟରେ ଘଟିଛି।
ମୃତକ ହେଲେ ଲକ୍ଷ୍ମୀପ୍ରସାଦ ପଂଚାୟତ ଜଗତୀ ଗ୍ରାମର ନାଥ ମିର୍ଦ୍ଧା । ଏହି ଦୁର୍ଘଟଣାରେ ବାମଣ୍ଡା ପଂଚାୟତ ଦେବଗଡ ଗ୍ରାମର ପରସାନନ୍ଦ ନାୟକ ଗୁରୁତର ଆହାତ ହୋଇଛନ୍ତି ।
ସୂଚନା ଅନୁଯାୟୀ, ପରସାନନ୍ଦ ନାୟକ ଓ ଉଭୟ ନାଥ ମିର୍ଦ୍ଧା ପୁରୁଣାକଟକ ଆଡୁ ନିଜ ଗ୍ରାମ ଦେବଗଡକୁ ଫେରୁଥିଲେ। ୫୭ ନମ୍ବର ଜାତୀୟ ରାଜପଥର ହରେକୃଷ୍ନପୁର ଗ୍ରାମ ନିକଟରେ ତାଙ୍କ ବାଇକ୍କୁ ପଛପଟୁ ଏକ ଟ୍ରକ ଧକ୍କା ଦେଇଥିଲା । ଘଟଣାସ୍ଥଳରେ ନାଥ ଆଖି ବୁଜିଥିବା ବେଳେ ପରସାନନ୍ଦଙ୍କୁ ଗୁରୁତର ଅବସ୍ଥାରେ ଚିକିତ୍ସା ପାଇଁ ବୌଦ୍ଧ ଜିଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ପୋଲିସ ଘଟଣାର ତଦନ୍ତ କରୁଛି ।
