ନୂଆଦିଲ୍ଲୀ: କୃଷି କାନୁନ ଓ ପେଗାସସ ଜାସୁସି ମାମଲାରେ ମୌସୂମୀ ଅଧିବେଶନରେ ସରକାରଙ୍କୁ ଘେରିବାରେ ଲାଗିଛନ୍ତି । ପ୍ରତ୍ୟେକ ଦିନ ସରକାରଙ୍କୁ ଏହି ଦୁଇ ପ୍ରସଂଗରେ ବିରୋଧୀମାନେ ଲଗାତାର ଭାବେ ଗୃହରେ ହୋ ହଲ୍ଲା କରିବା ସହିତ ଗୃହରେ ଅଚଳାବସ୍ଥା ସୃଷ୍ଟି କରିଛନ୍ତି । ବିରୋଧୀଙ୍କର ଏପରି ଆଚରଣରେ ବୁଧବାର ଚିନ୍ତା ବ୍ୟକ୍ତ କରିଛନ୍ତି ରାଜ୍ୟସଭା ସଭାପତି ଭେଙ୍କୟା ନାୟଡ଼ୁ ।
ସେ ମଙ୍ଗଳବାରର ଘଟଣାକୁ ଜାହିର କରି କହିଥିଲେ କି କୃଷି କାନୁନକୁ କିଛି ସାଂସଦ ବିରୋଧ କରି ଚୌକିରେ ବସି ରହିଥିବା ବେଳେ ଅଧିକାଂଶ ସାଂସଦ ଟେବୁଲ ଉପରେ ଛିଡା ହୋଇ ବିରୋଧ ପ୍ରଦର୍ଶନ କରିଥିଲେ । ଏପରି ଅଶୋଭନୀୟ ଆଚରଣ ଗୃହର ମର୍ଯ୍ୟାଦାକୁ କ୍ଷୁର୍ଣ୍ଣ କରିଛି ବୋଲି ସଭାପତି ଭେଙ୍କୟା ନାୟଡ଼ୁ କହିଛନ୍ତି ।
ସେ ଆହୁରି ମଧ୍ୟ କହିଥିଲେ ମୁଁ ଏଭଳି ଆଚରଣ ପାଇଁ ବହୁ ମାତ୍ରାରେ ଦୁଃଖି ରହିଛି । ଗୃହର କିଛି ସଦସ୍ୟ ମୌସୂମି ଅଧିବେଶନ ସମୟରେ ବେଶ ଜୋରଦାର ହଙ୍ଗାମା କରିଥିଲେ । ଆମମାନଙ୍କର ରାୟ ଭିନ୍ନ ଭିନ୍ନ ହୋଇପାରେ । ବିଭିନ୍ନ ପ୍ରସଙ୍ଗ ଉପରେ ଆଲୋଚନା ପର୍ଯ୍ୟାଲୋଚନା ହୋଇପାରେ । କିନ୍ତୁ ଗୃହରେ ଯେଉଁଭଳି ଭାବରେ ସାଂସଦମାନେ ଆଚରଣ କଲେ ତାହା ନିଶ୍ଚିତ ପକ୍ଷେ ନିନ୍ଦନୀୟ । ଗୃହର ମର୍ଯ୍ୟାଦାକୁ କ୍ଷୁର୍ଣ୍ଣ କରିବା ଭଳି ଘଟଣା । ଏଠାରେ ଆମେ କହି ରଖୁଛୁ କି ଭେଙ୍କୟା ନାୟିଡ଼ୁ ନିଜର ମନ୍ତବ୍ୟ ରଖିବା ସମୟରେ ମଧ୍ୟ ଗୃହରେ ସାଂସଦମାନେ ହଟ୍ଟଗୋଳ ଜାରି ରଖିଥିବା ଦେଖିବାକୁ ମିଳିଥିଲା ।
ସୂଚନା ଯୋଗ୍ୟ ମଙ୍ଗଳବାର ବିରୋଧୀ ଦଳମାନେ ଗୃହରେ ଜୋରଦାର ହଟ୍ଟଗୋଳ କରିଥିଲେ । ଏହି ସମୟରେ ବିପକ୍ଷ ଦଳର ନେତାମାନେ ଜୟ ଯବାନ, ଜୟ କିଶାନର ନାରା ଦେଇଥିଲେ । ବିରୋଧୀ ଦଳର ନେତାମାନେ ସାଂସଦଙ୍କ ଟେବୁଲ ଉପରେ ଛିଡ଼ା ହୋଇଥିବା ବେଳେ ଆଉ କିଛି ସାଂସଦ ସେଠାରେ ବସି ରହିଥିଲେ । ସେହିପରି କିଛି ସାଂସଦ ରୁଲ ବୁକକୁ ମଧ୍ୟ ଫିଙ୍ଗି ଦେଇଥିବା ଦେଖିବାକୁ ମିଳିଥିଲା । କେବଳ ଏତିକିରେ ସୀମିନ ନଥିଲେ ସାଂସଦ । ହାତରେ କଳା ବ୍ୟାଜ ବାନ୍ଧି ବିରୋଧ ପ୍ରଦର୍ଶନ କରିଥିବା ଦେଖିବାକୁ ମିଳିଥିଲା । ଆଉ କିଛି ସାଂସଦ କଳା ପୋଷାକ ପିନ୍ଧି ସରକାରଙ୍କ ବିରୋଧରେ ନାରାବାଜି କରିଥିବା ଦେଖିବାକୁ ମିଳିଥିଲା । ଫଳରେ ଗୃହକାର୍ଯ୍ୟ ଗୁରୁତର ଭାବେ ପ୍ରଭାବିତ ହୋଇଥିବା ଭେଙ୍କୟା ନାୟିଡ଼ୁ କହିଥିଲେ ।
ବିରୋଧିଙ୍କ ଏପରି ଆଚରଣକୁ ଦେଖି ମନ୍ତ୍ରୀ ପ୍ରହ୍ଲାଦ ଯୋଶୀ କହିଛନ୍ତି କି ବିପକ୍ଷ ଦଳର ନେତା ମାନେ କୃଷି ଆଇନ ଉପରେ ଆଲୋଚନା କରିବାକୁ ଦାବି କରି ଆସୁଥିଲେ । ଆମେମାନେ ମଧ୍ଯ ଆଲୋଚନା କରିବାକୁ ପ୍ରସ୍ତୁତ ଥିଲୁ । କିନ୍ତୁ ଆଲୋଚନା ଆରମ୍ଭ ହେବା ମାତ୍ରେ ବିରୋଧୀମାନେ ହଟ୍ଟଗୋଳ ଆରମ୍ଭ କରିଦେଇଥିଲେ । ଫଳରେ ଗୃହକାର୍ଯ୍ୟକୁ ଅଧାରେ ବନ୍ଦ ରଖିବାକୁ ଆମେ ବାଧ୍ୟ ହେଲୁ ବୋଲି ଶ୍ରୀ ଯୋଶୀ କହିଛନ୍ତି ।
