ଟାଙ୍ଗୀ (ଓଡ଼ିଶା ୱେୟାର) :ଆଜି ସକାଳେ ୧୬ନମ୍ବର ଜାତୀୟ ରାଜପଥ ଚମ୍ପାଗଡ ନିକଟରେ ଏକ ସଡକ ଦୁର୍ଘଟଣାରେ ଜଣଙ୍କର ମୃତ୍ୟୁ ହୋଇଛି । ଜଣେ ଅଜଣା ପଥଚାରି ଚାଲି ଚାଲି ଯାଉଥିବା ବେଳେ ଭୁବନେଶ୍ୱର ରୁ ବ୍ରହ୍ମପୁର ଆଭିମୁଖ୍ୟ ଯାଉଥିବା ଆନ୍ଧ୍ରପ୍ରଦେଶର ଏକ ମାଲ ବୋଝେଇ ଟ୍ରକ ଦୃତଗତିରେ ଆସି ପଥଚାରିଙ୍କ ଉପରେ ମାଡ଼ି ଯାଇଥିବା ସ୍ଥାନୀୟ ଲୋକେ ଦେଖିଥିବା କହିଛନ୍ତି ।
ଖବର ପାଇ ଘଟଣାସ୍ଥଳରେ ଚାନ୍ଦପୁର ପୋଲିସ ପହଂଚି ମୃତ ଦେହକୁ ଜବତ କରିବା ସହ ଦୁର୍ଘଟଣାଗ୍ରସ୍ତ ଗାଡି ଓ ଚାଳକଙ୍କୁ ଅଟକ ରଖି ତଦନ୍ତ ଆରମ୍ଭ କରିଛି । ମୃତଙ୍କ ପରିଚୟ ମିଳିପାରିନାହିଁ । ପୋଲିସ ଦୁର୍ଘଟଣାସ୍ଥଳରୁ ଏକ ଭଙ୍ଗା ମୋବାଇଲ ପାଇଛି । ସ୍ଥାନୀୟ ଲୋକମାନେ କହିବା ମୁତାବକ ଗତକାଲି ସନ୍ଧ୍ୟାରେ ଏହି ଲୋକଟି ସ୍ଥାନୀୟ ଅଞ୍ଚଳରେ ବୁଲାବୁଲି କରୁଥିଲା । ପୋଲିସ ଏନେଇ ଅଧିକା ଅନୁସନ୍ଧାନ ଜାରି ରଖିଛି । ଅନୁସନ୍ଧାନ ପରେ ମୃତଙ୍କର ପରିଚୟ ମିଳିପାରିବ ବୋଲି ଆଶା ରଖାଯାଇଛି ।
