ନୂଆଦିଲ୍ଲୀ: ଦିଲ୍ଲୀର ଜନ୍ତରମନ୍ତର ଠାର ମୁସଲିମ ବିରୋଧୀ ମନ୍ତବ୍ୟ ଦେଇ ବିଜେପି ନେତା ଅଶ୍ବିନ ଉପାଧ୍ୟାୟ ଗିରଫ ହୋଇଛନ୍ତି । ଦିଲ୍ଲୀର ଜନ୍ତରମନ୍ତର ଠାରେ ମୁସଲିମ ବିରୋଧୀ ମନ୍ତବ୍ୟ ଓ ଉତ୍ତେଜନା ପୂର୍ଣ୍ଣ ମନ୍ତବ୍ୟ ଦେବା ମାମଲାରେ ପୁଲିସ କଡ଼ା କାର୍ୟ୍ୟାନୁଷ୍ଠାନ ଗ୍ରହଣ କରିଛି । ପୁଲିସ ବିଜେପି ନେତା ଅଶ୍ବିନୀ ଉପାଧ୍ୟାୟଙ୍କ ସମେତ ବିନୋଦ ଶର୍ମା, ଦୀପକ ସିଂହ, ଦିପକ, ବିନୀତ କ୍ରାନ୍ତି, ପ୍ରିତ ସିଂହଙ୍କୁ ମଧ୍ୟ ଗିରଫ କରିଛି ।
ପ୍ରିତ ସିଂହ ସେଭ ଇଣ୍ଡିଆ ଫାଉଣ୍ଡେସନର ନିର୍ଦ୍ଦେଶକ ରହିଛନ୍ତି । ଏହି ବ୍ୟାନର ତଳେ ଭାରତ ଛାଡ଼ ଆନ୍ଦୋଳନ ନାମକ ଏକ କାର୍ୟ୍ୟକ୍ରମର ଆୟୋଜନ କରାଯାଇଥିଲା । ଏଠାରେ କହି ରଖୁ କି ଆନ୍ଦୋଳନ ଚାଲୁଥିବା ସମୟରେ ଅଶ୍ବିନୀ ବିବାଦୀୟ ଟିପ୍ପଣୀ ଦେବା ସହିତ ଗାଳି ଗୁଲଜ କରିଥିଲେ । ତେବେ ଏହି ଘଟଣାରେ ଉତ୍ତମ ମାଲିକ, ବିନୀତ କ୍ରାନ୍ତି, ପିଙ୍କି ଭୟା ଓ ଅଶ୍ବିନୀ ଉପାଧ୍ୟାୟ ଏହି କାର୍ୟ୍ୟକ୍ରମର ଆୟୋଜକ ରହିଥିଲେ । ଅଶ୍ବିନୀଙ୍କ ବ୍ୟତୀତ ଅନ୍ୟ ସମସ୍ତେ ଫେରାର ରହିଥିବା ଜଣାପଡ଼ିଛି । ଏମାନଙ୍କୁ ପୁଲିସ ଖୋଜୁଥିବା ଜଣାପଡ଼ିଛି ।
ସୂଚନାଯୋଗ୍ୟ ରାଜଧାନୀ ଦିଲ୍ଲୀରେ ଜନ୍ତରମନ୍ତର ଠାରେ ଆୟୋଜିତ ଏକ ରାଲିରେ ବିଭିନ୍ନ ସାମ୍ପ୍ରଦାୟିକ ବିବାଦୀୟ ସ୍ଲୋଗାନ ସବୁ ଲଗାଯାଇଥିଲା । ଏହାର ସବୁ ଭିଡ଼ିଓ ସୋସିଆଲ ମିଡ଼ିଆରେ ଭାଇରାଲ ହୋଇଥିଲା । ପୁଲିସ କହିବା ମୁତାବକ ପୁଲିସ ପ୍ରଶାସନର ଅନୁମତି ବିନା ଏହା ସବୁ କରାଯାଇଥିଲା । ତେବେ ଏହି ରାଲି ସୁପ୍ରିମ କୋର୍ଟ ଓକିଲ ତଥା ବିଜେପି ନେତା ଅଶ୍ବିନୀ ଉପାଧ୍ୟାୟଙ୍କ ତତ୍ତ୍ବାବଧାନରେ ଆୟୋଜନ କରାଯାଇଥିଲା ।
ସେପଟେ ଅଶ୍ବିନ କହିଛନ୍ତି କି, ଏହି ଭିଡ଼ିଓ ସମ୍ପର୍କରେ ମୁଁ କିଛି ଜାଣିନାହିଁ । ଏହି ରାଲିରେ କେବଳ ୫ ରୁ ୬ ଜଣ ନାରା ଦେଉଥିଲେ । ତେବେ ଏଭଳି ନାରା ଦେବା ସମ୍ପୂର୍ଣ୍ଣ ଭାବେ ଭୁଲ ଥିଲା ବୋଲି ସେ କହିଛନ୍ତି । ଭାଇରାଲ ଭିଡ଼ିଓରେ ମୁସଲିମ ମାନଙ୍କୁ ରାମ ରାମ କହିବାକୁ ଧମକ ଦିଆଯାଉଥିବା ଦେଖିବାକୁ ମିଳିଛି । ଆୟୋଜିତ ଏହି ରାଲିରେ ହିନ୍ଦୁସ୍ତାନ ମେ ରେହେନା ହୋଗା, ଜୟ ଶ୍ରୀରାମ କେହେନା ହୋଗା ନାରା ଦିଆଯାଉଥିବା ଦେଖିବାକୁ ମିଳିଛି ।
