ନୂଆଦିଲ୍ଲୀ: ପଞ୍ଜାବ କଂଗ୍ରେସରେ ବିବାଦ ଥମିବାର ନାଁ ନେଉନାହିଁ । ସିଦ୍ଧୁଙ୍କ ଟ୍ବିଟ ପରେ ପଞ୍ଜାବ କଂଗ୍ରେସ ବିବାଦର ଝଡ଼ ବଢିବାରେ ଲାଗିଛି । ଫଳରେ କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀଙ୍କୁ ଭେଟିବାକୁ ଦିଲ୍ଲୀରେ ପହଞ୍ଚିଛନ୍ତି ପଞ୍ଜାବ ମୁଖ୍ୟମନ୍ତ୍ରୀ ଅମରିନ୍ଦର ସିଂହ। ତେବେ ନଭଜୋତ ସିଂହ ସିଦ୍ଧୁଙ୍କୁ ପଞ୍ଜାବର ଅଧ୍ୟକ୍ଷ କରିବା ପରେ ପ୍ରଥମ ଥର ପାଇଁ ଅମରିନ୍ଦର ସିଂହ ସୋନିଆଙ୍କୁ ଭେଟିବେ । ପଞ୍ଜାବ ମୁଖ୍ୟମନ୍ତ୍ରୀ ଅମରିନ୍ଦର ସିଂହ ନଭଜୋତ ସିଂହ ସିଦ୍ଧୁଙ୍କୁ ନେଇ ସୋନିଆଙ୍କ ସହିତ ଆଲୋଚନା କରିବାକୁ ଦିଲ୍ଲୀ ଆସିଥିବା ଜଣାପଡ଼ିଛି । ତେବେ ସୋମବାର ରାତିରେ ସିଦ୍ଧୁ ଏକ ଟ୍ବିଟ ଜରିଆରେ ନିଜ ଦଳର ସରକାର ଉପରେ ବର୍ଷିଥିଲେ । ଏହି ଟ୍ବିଟରେ ସେ ରାଜ୍ୟରେ ବଢୁଥିବା ନିଶାଦ୍ରବ୍ୟ ସମ୍ପର୍କରେ ପ୍ରଶ୍ନ କରିଥିଲେ । ତେବେ ଏହାକୁ ନେଇ ସିଦ୍ଧୁ ବାରମ୍ବାର ଟ୍ବିଟ କରିବା ସହିତ ରାଜ୍ୟ ସରକାରଙ୍କୁ ପ୍ରଶ୍ନ କରିଥିଲେ । ଯାହା ଫଳରେ ରାଜ୍ୟସରକାର ପାଇଁ ସମସ୍ୟା ସୃଷ୍ଟି ହୋଇଥିବା ଚର୍ଚ୍ଚା ହେଉଛି ।
ସିଦ୍ଧୁ ତାଙ୍କ ଟ୍ବିଟରେ ଲେଖିଥିଲେ କି ୨୦୧୮ ଫେବୃଆରୀରେ ଏଡିଜିପି ହରପ୍ରୀତ ସିଦ୍ଧୁ ଅଧ୍ୟକ୍ଷତାରେ ଏସଟିଏଫ ପଞ୍ଜାବ ଓ ହରିଆଣା କୋର୍ଟରେ ଷ୍ଟାଟସ ରିପୋର୍ଟ ଦାୟର କରାଯାଇଥିଲା । ଏଥିରେ ଇଡ଼ି ଦ୍ବାରା ଦାଖଲ ହୋଇଥିବା ବୟାନ ଓ ପ୍ରମାଣର ଯାଞ୍ଚ କରାଯାଇଥିଲା । ବିକ୍ରମଜିତ ସିଂହ ମଜଠିଆ ଓ ନିଶା ପଦାର୍ଥର ତସ୍କରୀରେ ଅନ୍ୟ ମାନଙ୍କ ସାମିଲ ହେବା ନେଇ ରଖାଯାଇଥିଲା ।
ପରବର୍ତ୍ତୀ ଟ୍ବିଟ୍ରେ ସିଦ୍ଧୁ କହିଛନ୍ତି, \’ହାଇକୋର୍ଟ ପଞ୍ଜାବ ସରକାରଙ୍କୁ ଏସଟିଏଫ ରିପୋର୍ଟ ଅନୁଯାୟୀ ଆଇନ ଅନୁଯାୟୀ କାର୍ୟ୍ୟ କରିବାକୁ କହିଛନ୍ତି। ୨୩ ମଇ ୨୦୧୮ରେ, ସରକାର ଅପିଲ୍-କମ-ଷ୍ଟାଟସ୍ ରିପୋର୍ଟରେ ଦାଖଲ କରିଥିଲେ, ଯାହାକି ଏକ ସିଲ୍ କଭରରେ କାରାଗାରରେ ଅଛି। ଅଢେଇ ବର୍ଷ ବିଳମ୍ବ ପରେ ପଞ୍ଜାବର ଲୋକମାନେ ଆଉ କେତେ ସମୟ ଅପେକ୍ଷା କରିବା ଉଚିତ୍? ବୋଲି ଟ୍ବିଟ ଜରିଆରେ ସିଦ୍ଧୁ ସରକାରଙ୍କୁ ପ୍ରଶ୍ନ କରିଚନ୍ତି ।
