ଭୁବନେଶ୍ୱର : ରାଜ୍ୟର ସମସ୍ତ ନଦୀରେ ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀଙ୍କ ଚିତାଭସ୍ମ କଳସକୁ ବିସର୍ଜିତ କରାଯିବ ବୋଲି କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ କହିଛନ୍ତି ।
ଶ୍ରୀ ପ୍ରଧାନକହିଛନ୍ତି ଯେ, ବାଜପେୟୀଙ୍କ ଚିତାଭସ୍ନ ମହାନଦୀ, ବ୍ରାହ୍ମଣୀ, ବୈତରଣୀ, ଋଷିକୁଲ୍ୟା, ବୁଢା ବଳଙ୍ଗ, ସୁବର୍ଣରେଖା ଓ ଅଙ୍ଗ ଆଦି ପବିତ୍ର ନଦୀ ଜଳରେ ବିସର୍ଜିତ କରାଯିବ । ଦଳୀୟ ଜିଲ୍ଲା ସଭାପତି ମାନଙ୍କୁ ରାଜ୍ୟ କାର୍ଯ୍ୟାଳୟରେ ଆଜି ଏହି ଅସ୍ଥି କଳସ ଦିଆଯାଇଛି। ଶ୍ରୀ ପ୍ରଧାନ କହିଛନ୍ତି ଯେ ବାଜପେୟୀ ଭାରତର ସର୍ବସମ୍ମତ ସାମାଜିକ ଚେତନା ଥିଲେ । ତାଙ୍କ ସହିତ ସମଗ୍ର ଭାରତ ସମେତ ଓଡିଆ ଲୋକମାନଙ୍କର ଏକ ଭାବଗତ ସମ୍ପର୍କ ଥିଲା । ତାଙ୍କର ସଠିକ ସମ୍ମାନ ଓ ଶ୍ରଦ୍ଧାଂଜଳି ଭାରତର ପ୍ରତ୍ୟେକ ଘରେ ତାଙ୍କର ବାର୍ତା ପହଂଚାଇଲେ ହିଁ ହେବ।ଓଡିଶାରେ ବାଜପେୟୀଙ୍କ ପ୍ରତିମୂର୍ତି ନିର୍ମାଣ କରା ଯିବା ଉଚିତ ବୋଲି ସେ କହିଛନ୍ତି ।
