ସୁନାପୁଅ ନୀରଜଙ୍କୁ ସ୍ବର୍ଣ୍ଣ ଦେଲା ଅଜସ୍ର ସମ୍ମାନ, ପୁରସ୍କାର
ହରିଆଣା – ୬ କୋଟି ଟଙ୍କା, ଗ୍ରେଡ ୧ ସରକାରୀ ଚାକିରି ଓ ଜମି
ମଣିପୁର – ନଗଦ ୧ କୋଟି ଟଙ୍କା
ପଞ୍ଜାବ – ନଗଦ ୨ କୋଟି ଟଙ୍କା
ବିସିସିଆଇ – ୧ କୋଟି ଟଙ୍କା
ଚେନ୍ନାଇ ସୁପର କିଙ୍ଗସ – ୧ କୋଟି ଟଙ୍କା
ଭାରତୀୟ ଅଲମ୍ପିକ ଆସୋସିଏସନ – ୭୫ ଲକ୍ଷ ଟଙ୍କା
ମହିନ୍ଦ୍ରା ଆଣ୍ଡ ମହିନ୍ଦ୍ରା – ଢଟଠ୭୦୦ କାର
ନୂଆଦିଲ୍ଲୀ: ଟୋକିଓ ଅଲମ୍ପିକରେ ସ୍ବର୍ଣ୍ଣ ପଦକ ବିଜୟୀ ହେବା ପରେ ତୀରନ୍ଦାଜୀ ନୀରଜଙ୍କ ନିକଟକୁ ଶୁଭେଚ୍ଚାର ସୁଅ ଛୁଟିବାରେ ଲାଗିଛି । ଶୁଭେଚ୍ଛାର ସୁଅ ସହିତ ପୁରସ୍କାରର ତାଲିକା ମଧ୍ୟ ଲମ୍ବିବାରେ ଲାଗିଛି । କେନ୍ଦ୍ର ସରକାର, ରାଜ୍ୟ ତଥା ଉଦ୍ୟୋଗପତିମାନେ ମଧ୍ୟ ନୀରଜଙ୍କ ପାଇଁ ପୁରସ୍କାର ଘୋଷଣା କରିସାରିଲେଣି ।
ନୀରଜ ସ୍ବର୍ଣ୍ଣ ପଦକ ବିଜୟୀ ହେବା କ୍ଷଣି ହିଁ ହରିଆଣା ସରକାର ପ୍ରଥମେ ପୁରସ୍କାର ଘୋଷଣା କରିଥିଲେ। ରାଜ୍ୟ ସରକାରଙ୍କ ତରଫରୁ ୬ କୋଟି ଟଙ୍କା ଓ ସରକାରୀ ଚାକିରି ପୁରସ୍କାର ବାବଦରେ ଘୋଷଣା କରିଥିଲେ । ଏପରିକି ଗ୍ରେଡ଼ ୧ ସରକାରୀ ଚାକିରି ଘୋଷଣା କରିଥିଲେ । ଏହା ସହିତ ୫୦ ପ୍ରତିଶତ ରିଆତି ମୂଲ୍ୟରେ ହରିଆଣାର ଯେକୌଣସି ସ୍ଥାନରେ ଜାଗା ଦେବାକୁ ମଧ୍ୟ ଘୋଷଣା କରିଛନ୍ତି ହରିଆଣା ସରକାର । ସେହିପରି ହରିଆଣା ସରକାର ବଜରଙ୍ଗ ପୁନିଆଙ୍କୁ ଅଢେଇ କୋଟି ଟଙ୍କାର ପୁରସ୍କାର ରାଶି ଘୋଷଣା କରିଛନ୍ତି । ସେହିପରି ରବି ଦହିଆଙ୍କୁ ମଧ୍ୟ ରାଜ୍ୟ ସରକାର ୪ କୋଟି ଟଙ୍କାର ପୁରସ୍କାର ରାଶି ଘୋଷଣା କରିଛନ୍ତି ।
ହରିଆଣା ସରକାରଙ୍କ ଭଳି ପଞ୍ଜାବ ସରକାର ଦୁଇ କୋଟି ଟଙ୍କାର ପୁରସ୍କାର ରାଶି ଘୋଷଣା କରିଛନ୍ତି । ପଞ୍ଜାବ ମୁଖ୍ୟମନ୍ତ୍ରୀ ଅମରିନ୍ଦର ସିଂହ କହିଛନ୍ତି କି ନୀରଜ ଭାରତୀ ଓ ପଞ୍ଜାବୀଙ୍କ ପାଇଁ ଗର୍ବର ବିଷୟ । ମୁଖ୍ୟମନ୍ତ୍ରୀଙ୍କ କାର୍ୟ୍ୟାଳୟ ପକ୍ଷରୁ ସୂଚନା ଦେଇ କହିଛନ୍ତି କି ଆଥଲେଟିକରେ ନୀରଜ ସ୍ବାଧୀନ ଭାରତକୁ ପ୍ରଥମ ପଦକ ଦେଇଛନ୍ତି । ଫଳରେ ତାଙ୍କୁ ରାଜ୍ୟ ସରକାରଙ୍କ ତରଫରୁ ୨ କୋଟି ଟଙ୍କାର ପୁରସ୍କାର ପ୍ରଦାନ କରିବାକୁ ମୁଖ୍ୟମନ୍ତ୍ରୀ ନିଷ୍ପତ୍ତି ନେଇଛନ୍ତି ।
ସେହିପରି ମଣିପୁର ସରକାର ମଧ୍ୟ ନୀରଜଙ୍କୁ ପୁରସ୍କାର ପ୍ରଦାନ କରିବାକୁ ପଛଘୁଞ୍ଚା ଦେଇନାହିଁ । ରାଜ୍ୟ ସରକାର କୋଟିଏ ଟଙ୍କା ପ୍ରଦାନ କରିବାକୁ ଘୋଷଣା କରିଛନ୍ତି । ଭାରତୀୟ କ୍ରିକେଟ ସଂଘ ବିସିସିଆଇ ଓ ଚେନ୍ନାଇ ସୁପର କିଙ୍ଗସ କୋଟିଏ ଲେଖାଏଁ ଟଙ୍କା ପୁରସ୍କାର ଦେବାକୁ ଘୋଷଣା କରିଛନ୍ତି। ଭାରତୀୟ ଅଲମ୍ପିକ ଆସୋସିଏସନ ମଧ୍ୟ ୭୫ ଲକ୍ଷ ଟଙ୍କା ପ୍ରଦାନ କରିବାକୁ ଘୋଷଣା କରିଛି ।
ଶିଳ୍ପପତି ଆନନ୍ଦ ମହିନ୍ଦ୍ରା ନୀରଜଙ୍କ ପାଇଁ ଢଟଠ୭୦୦ ନାମକ ଏକ କାର ପୁରସ୍କାର ଦେବାକୁ ଘୋଷଣା କରିସାରିଛନ୍ତି । ନୀରଜ ପଦକ ହାତେଇବାର କିଛି ସମୟ ମଧ୍ୟରେ ଏହି ପୁରସ୍କାର ଘୋଷଣା କରିଥିଲେ ଆନନ୍ଦ । ଏହି କାରଟି ଏସୟୁଭି ବର୍ଗର ଆଗାମୀ ପ୍ରଡକ୍ଟ। ଜଣେ ଟ୍ବିଟର ୟୁଜର ମହିନ୍ଦ୍ରାଙ୍କୁ ଉପହାର ଦେବା ସମ୍ପର୍କରେ ଲେଖିବା କ୍ଷଣି ହିଁ ଆନନ୍ଦ ଏହାର ଜବାବରେ କହିଥିଲେ କି ଉପହାର ନିଶ୍ଚିତ ଭାବେ ଦିଆଯିବ । ମହିନ୍ଦ୍ରା କମ୍ପାନୀର ଦୁଇ ବରିଷ୍ଠ ଅଧିକାରୀଙ୍କୁ ଟ୍ୟାଗ କରି ଆନନ୍ଦ ଲେଖିଥିଲେ କି ଗୋଟିଏ ଢଟଠ୭୦୦ ଗାଡ଼ି ପ୍ରସ୍ତୁତ ରଖ । ନୀରଜଙ୍କୁ ଏହି ପୁରସ୍କାର ଦେବା ମୋ ପାଇଁ ନିଶ୍ଚତ ପକ୍ଷେ ସୌଭାଗ୍ୟର ବିଷୟ ହେବ ବୋଲି ସେ କହିଥିଲେ ।
ସୂଚନାଯୋଗ୍ୟ ଟୋକିଏ ଅଲମ୍ପିକରେ ପ୍ରଥମ ସ୍ବର୍ଣ୍ଣ ପଦକ ହାତେଇଛନ୍ତି ଜାଭେଲିନ ଥ୍ରୋୟର ନୀରଜ ଚୋପ୍ରା । ୧୨୧ ବର୍ଷର ଅପେକ୍ଷାର ଅନ୍ତ ଘଟାଇ ଆଥେଲିଟକ ବର୍ଗରେ ପଦକ ହାତେଇବାରେ ସ୍ବାଧୀନ ଭାରତର ପ୍ରଥମ ଖେଳାଳି ହେବାର ସୌଭାଗ୍ୟ ମଧ୍ୟ ଅର୍ଜନ କରିଛନ୍ତି ନୀରଜ ।
