ଭୁବନେଶ୍ବର (ଓଡ଼ିଶା ଓ୍ବେୟାର) : ଷ୍ଟିଲ ସିଟି ରାଉରକେଲାରେ ଫୁଟିଲା ଗୁଳି । ରାତି ପ୍ରାୟ ୯ଟା ବେଳେ ବନ୍ଧମୁଣ୍ଡା ରେଳବାଇ ହାଇସ୍କୁଲ ପଡ଼ିଆରେ ସଂଘବଦ୍ଧ ଆକ୍ରମଣ ପରେ ଯୁବକଙ୍କୁ ଗୁଳି ମାଡ଼ କରି ଅଭିଯୁକ୍ତ ଫେରାର । ଆହତଙ୍କ ବାମ ଆଣ୍ଠୁରେ ଗୁଳି ବାଜିଛି । ଗୁରୁତର ଅବସ୍ଥାରେ ଆହତଙ୍କୁ ପ୍ରଥମେ ରାଉରକେଲା ସରକାରୀ ଡାକ୍ତରଖାନା ପରେ ଇସ୍ପାତ ଜେନେରାଲ ହସପିଟାଲକୁ ସ୍ଥାନାନ୍ତର କରାଯାଇଛି ।
ଆହତ ସେଲକଟ ଚିରଞ୍ଜିବୀଙ୍କ ସ୍ୱାସ୍ଥ୍ୟବସ୍ଥା ସ୍ଥିର ଅଛି । ଜମିଜମା କାରବାରକୁ ନେଇ ଗୁଳିକାଣ୍ଡ ଘଟିଥିବା ତଦନ୍ତରୁ ଜଣାପଡ଼ିଛି । ସୂଚନା ଅନୁସାରେ କ୍ରିଷ୍ଣା ଛତ୍ରୀ ତାଙ୍କ ସହଯୋଗୀଙ୍କ ସହ ମିଶି ସେଲକଟ ଚିରଞ୍ଜିବି କୁ ବନ୍ଧମୁଣ୍ଡା ରେଳବାଇ ହାଇସ୍କୁଲ ପଡିଆକୁ ଡାକିଥିଲେ । ସେଠାରେ ବଚସା ପରେ କ୍ରିଷ୍ଣା ଛତ୍ରୀ ଗୁଳିମାଡ଼ କରିଥିଲେ । ରାଉରକେଲା ପୋଲିସ ଅଭିଯୁକ୍ତକୁ ଧରିବା ପାଇଁ ତନାଘନା ଚଳାଇଛି ।
